Қазақстанда үшінші атом электр станциясының құрылысы туралы мәліметтер пайда болды

 Агенттік үшінші АЭС құрылысы туралы ақпаратты растады және ҚХР-мен келіссөздер жүргізіліп жатқанын атап өтті.

"Екінші атом электр станциясын салу үшін"China National Nuclear Corporation" қытайлық компаниясы басым әріптес болып саналады. Қазіргі уақытта мемлекеттік органдар мен компаниялар деңгейінде тиісті келіссөздер жүргізілуде. Үшінші АЭС құрылысы бойынша әлеуетті вендорлармен, соның ішінде "China National Nuclear Corporation" – мен үлкен қуатты реактор бойынша да, шағын және орта қуатты реакторлар бойынша да талқылаулар жүргізілуде",-деп хабарлады ҚР Атом энергиясы агенттігінің баспасөз қызметі бейсенбіде.

Агенттікте бірінші АЭС ("Росатом" халықаралық консорциумның көшбасшысы деп танылды) Алматы облысы Жамбыл ауданы Үлкен ауылында салынатынын еске салды. Осы ауданда атом электр станциясының құрылыс алаңын анықтау үшін инженерлік-іздестіру жұмыстарын бастау жоспарлануда.

"Қазірдің өзінде анықталған ауданнан басқа, екінші атом электр станциясын салу үшін елдің басқа аймақтары да қарастырылуда. Қазіргі уақытта осы бағыттар бойынша жұмыстар алдын-ала сатысында, орналастырудың мүмкін нұсқаларын бағалау бойынша консультациялар жүргізілуде. Түпкілікті шешімдер заңнамаға сәйкес, таңдалған өңірлердің энергетикалық балансы мен инфрақұрылымдық дайындығын ескере отырып қабылданатын болады",-деп қорытындылады ҚР Атом энергиясы агенттігінің баспасөз қызметі.