Неліктен SIM картасын сатып алу қиынға соқты? - Министрлік түсініктеме берді

Президент заңға қол қойды

Ведомствода атап өткендей, SIM-карталарды ресімдеудің жаңа жүйесі азаматтардың қауіпсіздігін күшейтуге бағытталған. 2025 жылғы 30 маусымда Мемлекет басшысы тиісті заңға қол қойды. Құжат ресми жарияланған күннен бастап алты айдан кейін күшіне енеді.

"Түзетулер азаматтардың дербес деректерін қорғауға, байланыс қызметтерін тіркеу тәртібін нақтылауға және ұлттық қауіпсіздікті қамтамасыз етуге бағытталған", — деп түсіндірді министрлікте.

SIM карталарын тіркеу тәртібінде не өзгереді

Жаңа заңға сәйкес мынадай шаралар енгізілетін болады:

-GSM шлюздерін (симбокстарды)әкелуге, тіркеуге, сатуға және пайдалануға шектеу;

- GSM шлюздерін әкелу, тіркеу, белсендіру және пайдалану ережелерін бекіту;

- ұялы байланыс абоненттерін міндетті биометриялық сәйкестендіру;

- абоненттік құрылғылардың техникалық сипаттамаларын сәйкестендіру;

- рұқсат етілмеген трафикті (фродты) анықтау және алдын алу бойынша байланыс операторларына қойылатын талаптарды күшейту.

"Мақсат-байланыс желілерін заңсыз және алаяқтықпен пайдалануды болдырмау, азаматтардың жеке деректерін қорғау, сондай-ақ киберқылмыстардың, интернет — алаяқтық пен терроризмнің алдын алу", - делінген цифрлық даму министрлігінің ресми жауабында.

Бірыңғай тіркеу жүйесі енгізілуде

Жаңа SIM карталарын тіркеу жүйесі мыналарды қамтиды:

- азаматтардың цифрлық құқықтарын қорғау және байланыс қызметтеріне қауіпсіз және әділ қол жеткізуді қамтамасыз ету;

- бірыңғай ұлттық жүйе арқылы SIM-карталарды тіркеу рәсімін біріздендіру;

-байланыс операторларының ішкі antifraud-жүйелерімен өзара іс-қимылды күшейту және алаяқтық трафикті бұғаттау.

"Бұл шаралар абоненттерді тіркеу рәсімін жеңілдетуге, байланыс қауіпсіздігін арттыруға және алаяқтықтың алдын алуға бағытталған", — деп түйіндеді министрлік.