Қазақстандықтарға әлеуметтік көмек көрсету ережесінде не өзгерді

Атап айтқанда, атаулы әлеуметтік көмек алуға құқығы бар көпбалалы отбасылардан шыққан балаларға, сондай-ақ жан басына шаққандағы орташа табысы ең төменгі күнкөріс деңгейінен төмен мемлекеттік АӘК алмайтын отбасылардан шыққан балаларға мектепке дейінгі ұйымға бару кезеңінде мемлекет жергілікті бюджеттер есебінен тамақтану шығындарын толығымен өтейтініне сәйкес толықтыру енгізіледі.

Сондай-ақ, білім алу кезеңінде әлеуметтік көмекті ҚР Білім беру ұйымдары немесе мемлекеттік органдары жетім балалар мен кәмелетке толған ата-анасының қамқорлығынсыз қалған балалардың, ата-аналарының немесе өзге де заңды өкілдерінің растайтын құжаттарын қоса бере отырып, еркін нысанда жазбаша өтінішпен жүзеге асыратыны нақтыланады:

– туу туралы куәліктің көшірмелері-көп балалы отбасылардан шыққан балаларға арналған;

– отбасында тәрбиеленетін жетім балалар мен ата-анасының қамқорлығынсыз қалған балалар үшін қорғаншылықты (қамқоршылықты) бекіту туралы анықтаманың көшірмелері;

– жетім балалар мен ата-анасының қамқорлығынсыз қалған, отбасында тәрбиеленетін балалар үшін баланы (балаларды) патронаттық тәрбиеге немесе патронаттық отбасына беру туралы шарттың көшірмелері;

– мүгедектігі бар адамдарға және бала кезінен мүгедектігі бар адамдарға, мүгедектігі бар балаларға мүгедектігі туралы анықтамалар немесе даму мүмкіндігі шектеулі балаларға арналған психологиялық-медициналық-педагогикалық консультация қорытындысының көшірмелері;

- өтініш берушінің (отбасының) жергілікті атқарушы органдар ұсынатын мемлекеттік атаулы әлеуметтік көмек алушыларға тиесілігін растайтын анықтама-атаулы әлеуметтік көмек алуға құқығы бар отбасылардан шыққан балалар үшін;

– мемлекеттік атаулы әлеуметтік көмек алмайтын, жан басына шаққандағы орташа табысы кедейлік шегінен аспайтын отбасылардан шыққан балалар үшін алынған кірістер (жұмыс істейтін ата-аналардың немесе оларды алмастырушылардың жалақысы, кәсіпкерлік қызметтен және басқа да қызмет түрлерінен түсетін кірістер, балаларға және басқа да асырауындағы адамдарға алимент түріндегі кірістер) туралы мәліметтер;

– білікті жұмысшы кадрларды даярлауды көздейтін техникалық және кәсіптік, орта білімнен кейінгі білімнің білім беру бағдарламалары бойынша оқитын студенттерді оқу орнына қабылдау туралы бұйрықтың көшірмелері.

Құжаттың бұрынғы редакциясында аталған құжаттардың бірін ұсынуға рұқсат етілгені көрсетілген.

Қаулы 15 шілдеден бастап қолданысқа енгізілді.