Қазақстанда көшелерде валюта бағамдары бар табло орналастыруға тыйым салынды

Құжатта әрбір айырбастау пунктінде клиенттер көруге қолжетімді жерде мынадай ақпарат орналастырылатыны атап өтілген:

- лицензия алу талап етілмейтін жағдайларды қоспағанда, қолма-қол шетел валютасымен айырбастау операцияларына арналған лицензияның қазақ және орыс тілдеріндегі көшірмесі;

- уәкілетті ұйымдар үшін – Ұлттық Банктің аумақтық филиалы осы айырбастау пунктіне берген жарамды лицензияға жарамды қосымшаның көшірмесі;

- уәкілетті банктер үшін – Ұлттық Банктің аумақтық филиалының жазбаша растауының көшірмесі (осындай растауды алған айырбастау пункттері үшін) не Айырбастау пункті куәлігінің көшірмесі (Қағидалар қолданысқа енгізілгенге дейін айырбастау пункті куәлігін алған айырбастау пункттері үшін);

- айырбастау пунктінде сатып алу және сату бойынша операциялар жүргізілетін әрбір шетел валютасы үшін белгіленген теңгеге қолма-қол шетел валютасын сатып алу бағамы немесе сату бағамы туралы мәліметтерді қамтитын клиенттерге арналған ақпараттық стенд (биіктігі кемінде 0,4 метр және ені 0,4 метр).

Теңгеге қолма-қол шетел валютасын сатып алу бағамы немесе сату бағамы туралы мәліметтерді қамтитын клиенттер үшін ақпараттық стендті орнату айырбастау пункті үй-жайының ішінде немесе айырбастау пункті операциялық кассасының жанында жүзеге асырылатыны көрсетіледі.

Аталған ақпараттық стендті айырбастау пунктінің үй-жайынан тыс, оның ішінде ғимараттардың немесе құрылыстардың шатырлары мен сыртқы жақтарында, стационарлық, жылжымалы және шығарылатын стендтерде орналастыруға жол берілмейді.

Сондай-ақ, ақпараттық стенд айырбастау пункті көпфункционалды мақсаттағы ғимараттар мен құрылыстарда (оның ішінде іскерлік орталықтарда), теміржол вокзалдарының, казино ғимараттарында, халықаралық әуежайлардың аэровокзалдарының ішінде, автомобиль, теңіз және өзен пункттерінің аумағында орналаспаған жағдайда ғана айырбастау пункті үй-жайынан тыс ашық кеңістікте көзбен шолуға қолжетімсіз болуы тиіс делінген ҚР Мемлекеттік шекарасы арқылы өткізу.

Автоматтандырылған айырбастау пунктінің мониторында теңгеге қолма-қол шетел валютасын сатып алу бағамы немесе сату бағамы туралы ақпаратты орналастыруға жол беріледі:

- айырбастау пунктінің қызметіне бақылауды жүзеге асыратын Ұлттық Банктің аумақтық филиалы туралы және осы айырбастау пунктінің жұмысына ескертулер болған кезде шағымды Ұлттық банктің осы аумақтық филиалына жіберу мүмкіндігі туралы мәліметтерді қамтитын айырбастау пунктінің клиенттері үшін ақпарат;

- осындай актінің қолданылу кезеңінде айырбастау пункттері арқылы жүргізілетін операциялар бойынша шетел валютасын теңгеге сату бағамынан сатып алу бағамының ауытқу шегін белгілейтін Ұлттық банк актісінің көшірмесі;

- кассир туралы ақпарат (клиенттерге қызмет көрсетуді жүзеге асыратын Тегі, Аты, Әкесінің аты (автоматтандырылған айырбастау пунктін қоспағанда);

-қолма-қол шетел валютасымен айырбастау операцияларын жүзеге асыруға құқығы бар заңды тұлғаның интернет-ресурсы туралы ақпарат (ол болған кезде).

Сондай-ақ қолма-қол шетел валютасымен айырбастау операцияларын жүзеге асыруға құқығы бар заңды тұлғаның интернет-ресурсында ақпаратты орналастыруға жол беріледі.

Жеке тұлғаның талабы бойынша айырбастау пунктінің кассирі айналысқа жарамды және айналысқа жарамсыз банкноттардың негізгі белгілері туралы, инкассода төленбеген немесе айналысқа жарамсыз шетел валютасының банкноттарын (автоматтандырылған айырбастау пунктін қоспағанда) қабылдау тәртібі мен шарттары туралы ақпаратты ұсынады.

Қаулы 2025 жылғы 9 қыркүйектен бастап қолданысқа енгізіледі.