Қазақстанда мемлекеттік крипторезерв құрылады

"Қазіргі уақытта мемлекеттік крипторезервті қалыптастыру және басқару тұжырымдамасы, оның ішінде баламалы инвестицияларды басқаруға маманданған Ұлттық банктің еншілес ұйымы базасында крипторезерв құру мүмкіндігі пысықталуда. Ұлттық банк егеменді қорларды (оның ішінде егеменді крипторезервтерді) басқарудың ең үздік халықаралық практикасына, криптоактивтерді есепке алу мен сақтаудың ашықтығы, крипторезервке билік етудің транспаренттілігі және мемлекеттік крипторезервтің орнықтылығын (сақталуын) қамтамасыз ету қағидаттарына сәйкес мемлекеттік крипто-резервті қалыптастыруға ұқыпты және институционалдық негізделген тәсілді қолдайды. Халықаралық тәжірибе көрсеткендей, мұндай резервтің қайнар көзі мемлекет қатысатын криптомайнер өндірген тәркіленген криптоактивтер мен криптовалюталар болуы мүмкін", — делінген депозит жауабында.

Оның мәліметтері бойынша, криптоактивтерді сақтау үшін құбылмалылық пен қауіптерді (тәуекелдерді) ескере отырып, мемлекеттік крипторезервті басқаруды тиімді құрылымдаудың негізгі факторы криптоактивтердің сақталуын қамтамасыз ету үшін осындай басқаруды орталықтандырылған институционализациялау тәсілі болып табылады.

"Бұл ретте криптоактивтердің мемлекеттік резервін қалыптастырудың нақты тетіктері құқық қорғау және (немесе) мүдделі мемлекеттік органдармен қосымша пысықталатын болады. Крипторезерв бойынша меншік иесінің құқықтарын мемлекеттің тиімді жүзеге асыруын қамтамасыз ету мақсатында мемлекеттік крипто-резерв бойынша құқықтық режимді, мемлекеттік крипторезервті басқарудың құқықтық негіздерін, оның ішінде крипторезервті толықтырудың құқықтық негіздерін және мемлекеттік крипторезервтен цифрлық активтерге билік етуді заңнамалық бекіту талап етіледі", - деп атап өтті Т.Сүлейменов.