Қазақстанда тегін медицинаға 1,63 трлн теңге бөлінді: оған не кіреді

Тегін медицинаны Қазақстан азаматтары да, қандастар да, босқындар да, сондай – ақ шетелдіктер мен азаматтығы жоқ, елде тұруға ықтиярхаты бар адамдар-айналасындағылар үшін қауіпті аурулар кезінде пайдалана алады.

Тегін медициналық көмектің кепілдік берілген көлеміне (ТМККК) мыналар кіреді:

• санавиация қызметтерін қоса алғанда, Жедел жәрдем;
• емханалардағы алғашқы медициналық-санитарлық көмек;
• АИТВ және туберкулездің алдын алу мен диагностикасын қоса алғанда, амбулаториялық жағдайларда мамандандырылған медициналық көмек;
• әлеуметтік маңызы бар және созылмалы аурулары бар адамдарға күндізгі стационар қызметтері;
• шұғыл көрсетілімдер бойынша емдеуге жатқызу, шұғыл емдеуге жатқызу кезінде стационардың қабылдау бөлімшесінде емдеу және диагностикалау, әлеуметтік маңызы бар және орфандық аурулар кезінде жоспарлы емдеуге жатқызу, айналасындағыларға қауіп төндіретін инфекциялық немесе паразиттік аурумен ауыратын науқаспен байланыста болған адамдарды оқшаулау, күдікті немесе инфекциялық не паразиттік ауруы белгіленген адамдарды емдеуге жатқызу;
• туберкулезбен ауыратын науқастарды медициналық оңалту;
• уәкілетті орган айқындайтын аурулар тізбесі бойынша паллиативтік медициналық көмек;
• қан препараттарымен және оның компоненттерімен қамтамасыз ету;
• патологиялық диагностика;
• өлгеннен кейінгі донорды ағзаларды немесе тіндерді алып қоюға дайындау, трансплантациялау үшін ағзалар мен тіндерді алу, консервациялау, дайындау, сақтау, тасымалдау.

"Пациенттерге Денсаулық сақтау министрлігінің тізбесінде көрсетілген белгілі бір созылмалы аурулар кезінде дәрі-дәрмектермен және медициналық бұйымдармен жеңілдетілген амбулаториялық қамтамасыз ету де қолжетімді. Азаматтарға бұл медициналық қызметтер МӘМС мәртебесіне қарамастан қолжетімді", - деп атап өтті қорда.

Медициналық көмектен заңсыз бас тартқан жағдайда медициналық мекеме жанындағы Пациентті қолдау қызметіне жүгінуге болады, ал егер бұл көмектеспесе, медициналық сақтандыру Қорына жүгінуге болады.