Қарағанды облысында қиын өмірлік жағдайға тап болған отбасыларды қолдау бойынша пилоттық жоба іске асырылуда

Қарағанды облысында өмірлік қиын жағдайға тап болған отбасыларды, сондай-ақ тұрмыстық зорлық-зомбылық құрбандарын анықтауға және оларға көмек көрсетуге бағытталған FSM Social пилоттық жобасы басталды. Жоба облыс прокуратурасының үйлестіруімен жүзеге асырылады.

Мобильді жұмыс топтарының құрамы жаңартылды: оларға білім беру, денсаулық сақтау, әлеуметтік қорғау, полиция және пробация қызметінің өкілдері кірді.

Пилоттық жобаның шарттарына сәйкес, қолдауға мұқтаж отбасылар туралы ақпарат енді тек FSM social арнайы мобильді қосымшасы арқылы отбасын қолдау орталықтарына түседі.

FSM social жобасының ақпараттық жүйесі Еңбек және халықты әлеуметтік қорғау Министрлігі жанындағы Еңбек ресурстарын дамыту орталығы әзірлеген отбасының цифрлық картасымен біріктірілген.

Қазіргі уақытта өңірде отбасын қолдаудың жеті орталығы жұмыс істейді (Қарағанды, Теміртау, Балқаш, Шахтинск және Бұқар жырау, Нұра, Осакаров аудандарында).

Бүгінгі таңда пробация қызметтері көмекке мұқтаж отбасылар туралы 40 сигнал жіберді. Олардың қатарына әлеуметтік-құқықтық қолдау көрсетілді.

FSM social жобасын дамыту және жетілдіру бойынша жұмыс жалғасатын болады.