Қазақстандықтарға туу және бала күтіміне 370 млрд теңгеден астам қаражат төленді

Еңбек министрлігінің мәліметінше, 2025 жылдың қаңтар-мамыр айлары аралығында республикалық бюджеттен бала тууға 26,2 млрд теңге сомаға 145 мың адам жәрдемақы алды. Мамыр айында 5,1 млрд теңге сомасына 28 мың ата-ана төлем алды.

Жәрдемақы мөлшері балалардың санына байланысты:

- бірінші, екінші және үшінші балаға - 149 416 теңге (38 АЕК),
— төртінші және одан кейінгі-247 716 теңге (63 АЕК).

Міндетті әлеуметтік сақтандыру жүйесіне қатыспайтын жұмыс істемейтін ата-аналар үшін 1,5 жасқа дейінгі бала күтімі бойынша ай сайынғы жәрдемақы көзделген. Айына орта есеппен мұндай төлемдерді 18 млрд теңге сомасына 123,6 мың адам алды. Мамыр айында 3,6 млрд теңгеге 124,9 мың адам көмек алды.

Жәрдемақы мөлшері 22 648 теңгеден (бірінші балаға) 34 995 теңгеге дейін (төртінші және одан кейінгі балаларға) ауытқиды.

Жұмыс істейтін әйелдер жүктілік және босану, сондай-ақ МӘСҚ-дан бала күтімі бойынша төлемдер алады:

Жүктілік және босану бойынша біржолғы төлемдерді 144,4 млрд теңге сомасына 100,3 мың адам алды. Мамыр айында-27 млрд теңге сомасына 22,6 мың адам. Төлемнің орташа мөлшері 1 590 618 теңгені құрады.

1,5 жасқа дейінгі бала күтімі бойынша ай сайынғы төлемдер — 183 млрд теңге сомасына 109,7 мың адам. Орташа мөлшері-айына 90 817 теңге.

Мұндай төлемдердің мөлшері әлеуметтік аударымдар жасалған табысқа байланысты және екі жылдағы орташа айлық табыстың 40% құрайды. Екі және одан да көп бала туылған кезде төлемдер әр балаға жеке тағайындалады.

Жыл басынан бері барлық жәрдемақылардың мөлшері айлық есептік көрсеткіштің өсуіне сәйкес 6,5% - ға индекстелді.