Көп балалы отбасыларға Қазақстанда мемлекеттік жәрдемақы төленбейді: жаңашылдықты ЮНИСЕФ қолдады

Ол Шымкент пен Қарағанды облысында қажеттілікті бағалаудың скорингтік моделі пилоттық түрде қолданылатынын еске салды.

"Жоба Президенттің қолдауына ие болды және біз оны белсенді жүзеге асыруға көштік. Әдістеме әлеуметтік саланы ғана емес, денсаулық сақтау мен білім беру аспектілерін де қамтиды. Біз оның дұрыстығы мен тиімділігіне сенімдіміз. Ешкім назардан тыс қалмайды. Модель үй шаруашылығының алты санатын қамтиды – өте мұқтаж отбасылардан бастап толық ауқатты отбасыларға дейін. Мемлекеттік қолдау, мысалы, екі үйі мен екі көлігі бар отбасыларды қамтитын алтыншы санат үшін ғана алынып тасталады.

Басты назар шынымен көмекке мұқтаж адамдарға аударылады. Ең бастысы-көмек алу құқығы объективті және ашық анықталуы үшін шешім қабылдауда адами фактордың әсерін болдырмау", - деді Жақыпова. 

ЮНИСЕФ-тің Қазақстандағы өкілі Рашед Мұстафа Сарвар ұйымның мұндай бастаманы құптайтынын атап өтті. 

"Әдістеме шынымен ойластырылған және перспективалы. Біз іске асырудың тиімділігін арттыру және қажетті тестілеуді өткізу үшін техникалық және сараптамалық қолдау көрсетуге дайынбыз. Біздің ортақ мақсатымыз – халықтың осал топтарының бірде-бір өкілін, әсіресе балаларды назардан тыс қалдырмау", - деп қосты ол. 

Бұған дейін еңбек министрлігінің басшысы әлеуметтік көмекті тағайындау кезінде санаттаудан бас тарту жоспарлары туралы хабарлаған болатын. Оның айтуынша, елде мемлекеттік қолдауды қажет етпейтін отбасылар бұл төлемдерді оларға мұқтаж адамдармен бірдей алатын жағдай бар.