Қазақстанда жер сілкінісі туралы ерте хабарлау желісі құрылатын болады

Қол қойылған Заңның үшінші блогы сейсмикалық қауіпсіздікті басымдық ретінде анықтайды, ол төтенше жағдайлардың алдын алу және жою мәселелерін жетілдіруге бағытталған. 

ТЖМ ТЖ алдын алу жөніндегі іс-шаралардың орындалуын бақылауды күшейту үшін ТЖ алдын алу саласында мемлекеттік бақылауды жүзеге асыру бойынша өкілеттік беріледі.

Адамдардың өмірі мен денсаулығын, инфрақұрылым объектілерін, ғимараттар мен құрылыстарды жер сілкінісінен қорғау мақсатында заңда:

- сейсмологиялық станциялар желісін және автоматтандырылған ерте хабарлау жүйесін кеңейту және жаңғырту;
- іргелі және қолданбалы ғылыми зерттеулер, ғылыми болжау жүргізу;
- сейсмикалық қауіпті өңірлерде сейсмикалық төзімді құрылыс және ғимараттар мен құрылыстарды сейсмикалық нығайту, сондай-ақ сейсмологиялық мониторинг жүргізу.

Құжат сонымен қатар Үкімет жанындағы Жұмыс органы болып табылатын жаһандық немесе өңірлік ауқымдағы ТЖ жою жөніндегі республикалық жедел штаб қызметінің тәртібін регламенттейді.

Жергілікті немесе Объектілік ауқымдағы ТЖ кезінде әкімдерге табиғи және техногендік сипаттағы ТЖ жариялау бойынша өкілеттік беріледі, бұл тұрғын үй объектілерінің инфрақұрылымын қалпына келтіру және залалды өтеу жөнінде уақтылы шешім қабылдауға мүмкіндік береді.