Қазақстанда ұсақ бұзақылық үшін жаза күшейтіледі

"2025 жылғы 10 қаңтарда" әкімшілік құқық бұзушылық туралы Кодекске (бұдан әрі — ӘҚБтК) өзгерістер мен толықтырулар енгізу туралы " Заң қабылданды. Кодекс қоғамдық жұмыстар институтын енгізуді көздейтін 49-1, 49-2 және 914-1-баптармен толықтырылды. Аталған нормалар 2025 жылдың 1 қыркүйегінен бастап күшіне енеді", - деді Үкімет басшысы. 

Сондай-ақ, ол ӘҚБтК-нің 434-бабы бойынша ұсақ бұзақылыққа қатысты санкциялар күшейтілгенін атап өтті. Атап айтқанда:

• 1-бөлім бойынша (қоғамдық орындарда балағат сөздер айту) енді 20 АЕК (1 АЕК — 3 932 теңге, барлығы 78 640 теңге) мөлшерінде айыппұл не 5-тен 15 тәулікке дейін әкімшілік қамаққа алу не 20-дан 60 сағатқа дейін міндетті қоғамдық жұмыстар көзделген;
• 2-бөлім бойынша (бірінші бөлігінде көзделген, жыл ішінде қайталап жасалған іс — әрекеттер) - 15-тен 30 тәулікке дейін әкімшілік қамаққа алу және 60-тан 100 сағатқа дейін міндетті қоғамдық жұмыстар.

"Осылайша, бұзақылық әрекеттері үшін жауапкершілікті қатаңдату мәселесін уәкілетті мемлекеттік органдар уақтылы қарады және ол бойынша тиісті шаралар қабылданды", — деп толықтырды Олжас Бектенов.