Халықаралық еңбек ұйымы Қазақстанда кеңселер ашады

Оның айтуынша, ХЕҰ Бас директорының Қазақстанға сапары елдің еңбек қауіпсіздігін қамтамасыз ету және халықаралық міндеттемелерді сақтау жөніндегі күш-жігерін мойындаудың символына айналды.

"Нәтижесінде Қазақстанда ХЕҰ жобалық кеңсесін ашу туралы уағдаластыққа қол жеткізілді. Сонымен қатар, біз Еңбек ресурстарын дамыту орталығы базасында ХЕҰ Турин оқу орталығының филиалын ашу бойынша белсенді жұмыс жүргізіп жатырмыз", - деді министр.

Ол ХЕҰ халықаралық оқу орталығы филиалының ашылуы шетелге бармай-ақ еңбек қауіпсіздігі бойынша мамандарды жүйелі және сапалы даярлауды ұйымдастыруға мүмкіндік беретінін түсіндірді.

"Бұл сондай-ақ озық халықаралық тәжірибелерді ескере отырып, ұлттық кадрлардың біліктілігін арттыру. Әлеуметтік әріптестер, мемлекеттік органдар мен халықаралық ұйымдар арасындағы институционалдық байланыстарды нығайтады. Қазақстанның Орталық Азиядағы еңбекті қорғау саласындағы құзыреттердің өңірлік орталығы ретіндегі рөлін күшейту. Бұл ретте халықаралық ынтымақтастықты дамыту және елдік міндеттемелерді орындау үшін сарапшыларға, кәсіподақтар мен жұмыс берушілерге консультациялар мен оқыту жүргізіледі. Шахталардағы қауіпсіздік туралы № 176 Конвенцияны ратификациялауға дайындық жүргізілуде", - деп жалғастырды Жақыпова.

Жалпы, оның айтуынша, 2024 жылы жазатайым оқиғалардан 1408 адам зардап шекті, оның ішінде 202 адам қайтыс болды. 445 мыңнан астам жұмыс орны бұрынғысынша зиянды және (немесе) қауіпті деп жіктеледі.

Кәсіптік еңбек ету қабілетінен айрылу 15 976 азаматта анықталды, оның ішінде 8 204 кәсіптік аурулар бойынша және 7 771 өндірістік жарақаттар бойынша.

Министрдің пікірінше, бұл сандар еңбекті қорғау саласындағы тәсілдерді одан әрі жүйелі жаңарту қажеттігін айғақтайды.