Қарағанды облысында мефедрон өндірісі бойынша нарколабораторияның қызметі тоқтатылды

Мәселен, Бұқар Жырау ауданы Жаңақала ауылында жедел-іздестіру іс — шараларының нәтижесінде синтетикалық есірткі-мефедрон өндірумен айналысатын жасырын нарколаборатория таратылды.

- Тінту барысында полиция қызметкерлері бір тоннаға жуық химиялық прекурсорларды, сондай-ақ 500 грамнан астам дайын есірткі затын тәркіледі. Күдікті-Алматы облысының 38 жастағы тұрғыны-ұсталып, қамауға алынды.

Аталған факті бойынша қылмыстық іс қозғалды, - деді Қарағанды облысы полиция департаментінің бастығы Негмет Исмағұлов.

Айта кету керек, бұл жыл басынан бері өңірде ірі есірткі зертханасын анықтаудың екінші жағдайы. Бұған дейін Асыл ауылында осындай жерасты өндірісінің қызметі тоқтатылған болатын. Арнайы операция нәтижесінде 200 келіге жуық есірткі мен оларды өндіруге арналған кәсіби жабдық тәркіленді. Қатысы бар деген күдікпен Алматының екі тумасы — 25 жастағы ер адам және 29 жастағы әйел ұсталды.

Қазіргі уақытта есірткі зертханаларын ұйымдастыруға және олардың жұмыс істеуіне қатысы бар барлық адамдарды анықтауға бағытталған тергеу әрекеттері жалғасуда.

Қарағанды облысының полиция департаменті: есірткі қылмысына қарсы іс-қимыл құқық қорғау органдарының қызметінде басым бағыт болып қала береді. Бұл бағыттағы жұмыс жүйелі және дәйекті негізде жалғастырылатын болады.

Қарағанды облысы ПД баспасөз қызметінің ақпараты бойынша