Қазақстанда күнбағыс егіс алқабы рекордтық 1,4 млн гектарға жетеді — Ауыл шаруашылығы министрлігі

Мемлекет басшысының тапсырмасына сәйкес, ауыл шаруашылығы дақылдарын әртараптандыру бойынша жүйелі жұмыс жүргізілуде: нәтижесінде 2 жыл ішінде бидай алқаптарын 750 мың гектарға қысқартуға мүмкіндік туды.

Оның айтуынша, Мемлекет басшысының тапсырмасы аясында ауыл шаруашылығы дақылдарын әртараптандыру бойынша жүйелі жұмыс жалғасуда. Екі жыл ішінде бидай алқаптарын 750 мың гектарға қысқартуға мүмкіндік туды.

"Жемшөп және майлы дақылдардың егіс алқабы ағымдағы жылы 3,3 млн гектарға жетеді, бұл ретте күнбағыс алқабы алғаш рет 1,4 млн гектарды құрайды. дәнді және дәнді-бұршақты дақылдарды 16,6 млн гектарға орналастыру жоспарлануда. мақта алқабы 135 мың гектарды құрайды, оның ішінде дәстүрлі әдіспен өсірілетін алқаптар 21,4 мың гектарға қысқарады және 85 мың гектарды құрайды"- деді министр.

Бұл ретте "Түркістан" ӘКК-нің қытайлық Шыңжаң Лихуа компаниясымен бірлескен жобасы есебінен тамшылатып суаруды қолданатын алаңдар 50 мың гектарға дейін ұлғаятыны атап өтілді. Министрдің айтуынша, 2023 жылға дейін тек 2 мың гектар мақта тамшылатып суару арқылы өсірілді.

Сонымен қатар, Қызылорда облысында күріш дақылдары биыл 4,7 мың гектарға қысқаратын болады, сондай-ақ 9,2 мың гектар алқапта су үнемдеу технологияларын белсенді енгізу және 60 мың гектар алқаптарды лазерлік жоспарлау жүргізілуде.

"Бүгінгі таңда жаздық дақылдарды жаппай егу басталды, бұл ретте барлық өңірлер егуге тартылды. Барлығы 3,7 млн га егілді.мақта (94,7%) және қант қызылшасын (93,4%) егу аяқталуға жақын. Күздік дақылдарға келетін болсақ, 2025 жылғы егінге 405,7 мың га алқапқа күздік дәнді дақылдар егілді", — деп қорытындылады Айдарбек Сапаров.