Қазақстандағы тарихи кесенелер мемлекеттік меншік ретінде тіркеле ме

Елімізде 32 мемлекеттік ұйым жұмыс істейді, олардың қызметі тарихи-мәдени мұра объектілерін қорғауға және басқаруға бағытталған. Қазақстанда осындай 25 мыңнан астам нысан бар екенін ескерсек, бұл ұйымдардың саны жеткіліксіз деп айтуға болады. "Тарихи-мәдени мұра объектілерін қорғау және пайдалану туралы" Заңның 14-бабына сәйкес мұндай объектілерге меншік құқығын Қазақстан Республикасы, сондай-ақ жеке және заңды тұлғалар иелене алады. Бүгінде 500-ге жуық сәулет және қала құрылысы ескерткіштері жеке меншікте. Тарихи кесенелерге келетін болсақ, бұл өлгендерді жерлеу орындары, сондықтан оларды мемлекеттік меншік ретінде тіркеуге болмайды, — деді вице-премьер.

Оның айтуынша, Қазақстан Республикасының атынан халықаралық және Республикалық маңызы бар тарих және мәдениет ескерткіштеріне қатысты меншік иесінің өкілеттігін мәдениет және ақпарат министрлігі, ал жергілікті маңызы бар ескерткіштерге қатысты — жергілікті атқарушы органдар жүзеге асырады.

"Бәйдібек ата мен Домалақ ана кесенелері, сондай — ақ Ақмешіт үңгірі жергілікті маңызы бар тарихи және мәдени ескерткіштер тізіміне, ал Қос ана кесенесі тарихи-мәдени мұра объектілерінің алдын ала тізіліміне енгізілген. Алайда, осыған қарамастан, халықтың кейбір азаматтары оларға меншік құқығын талап етеді. Осыған байланысты Түркістан облысының әкімдігі Домалақ ана, Бәйдібек ата кесенелері мен Ақмешіт үңгірлеріне қатысты құқықтық мәртебесін нақтылау жұмыстарын жүргізуде", - деп атап өтті Ермек Көшербаев.