Қазақстанда медициналық көмектің бірыңғай пакеті енгізілуде

Заңда тегін медициналық көмектің кепілдік берілген көлемі (ТМККК) шеңберінде және МӘМС жүйесінде көрсетілетін медициналық қызметтер түрлерін ажырату есебінен медициналық көмектің бірыңғай пакеті құрылады.

 

 

Денсаулық сақтау министрлігіне ТМККК шеңберінде медициналық көмек көрсетілетін аурулардың тізбесін (жедел, шұғыл, паллиативтік көмек, Инфекциялық және әлеуметтік маңызы бар ауруларды емдеу) айқындау жөніндегі құзырет бекітіледі.

 

Алғашқы медициналық-санитариялық көмектің (МСАК) медициналық қызметтері ТМККК пакетінен МӘМС пакетіне көшіріледі. МСАК-тың жекелеген медициналық қызметтері (медициналық көмекке алғашқы жүгіну, әлеуметтік маңызы бар аурулардың алдын алу, диагностикалау және емдеу жөніндегі қызметтер) ТМККК пакетінде сақталады.

 

 

МӘМС жүйесіне жарналар мен аударымдардың жоғарғы шегі жұмыс берушілер үшін 40 ЕТЖ және қызметкерлер үшін 20 ЕТЖ мөлшерінде белгіленеді. "Д" және "Е" санаттарына (дағдарыстық, әлеуметтік әл-ауқаттың шұғыл деңгейлері) жататын жұмыссыздар мен жұмыс істемейтін адамдар үшін жарналарды жергілікті бюджет есебінен жүргізу ұсынылады. Жарналарды есептеу тиісті өңірдегі орташа айлық жалақымен айқындалады.