Мұнара келісімсіз: Қазақстанда ұялы байланыс орнатуды жеңілдетеді

Қазақстанда ұялы мұнаралардан қорқу мәселесі түбегейлі шешілді. Егер бұрын көпқабатты үйлердің төбесінде ұялы байланыс базалық станцияларын орнату тұрғындармен келісу арқылы қиындаса, онда жаңа заңнамалық бастамалар олардың пікіріне қарамауды ұсынады. Заң жобасымен "Ашық НҚА" порталында толық танысуға болады.

"Ғимараттың, құрылыстың, пәтерлердің және тұрғын емес үй-жайлардың кондоминиум объектілерінің меншік иелеріне не олардың сенім білдірілген адамдарына санитариялық – эпидемиологиялық қорытынды болған кезде ғимараттың, құрылыстың кондоминиум объектілерінде телекоммуникациялық жабдықты орнатудан бас тартуға тыйым салынады", - делінген құжатта.

Сондай-ақ, кондоминиум объектілерінің, ғимараттардың, құрылыстардың, пәтерлердің және тұрғын емес үй-жайлардың меншік иелері не олардың сенім білдірілген адамдары сапалы байланыс қызметтерін ұсыну мақсатында телекоммуникациялық жабдықтарды орналастыру үшін байланыс операторларына алаңдарды тең шарттарда беруге міндетті екендігі атап өтіледі.

"Телекоммуникациялық жабдықты орнату үшін байланыс операторлары ғимараттың, құрылыстың, пәтерлердің және тұрғын емес үй-жайлардың кондоминиум объектілерінің меншік иелеріне не олардың сенім білдірілген адамына (мүлік иелері бірлестігінің төрағасына немесе бірлескен қызметке басшылықты жүзеге асыратын жай серіктестіктің қатысушысына немесе кондоминиум объектісін басқару нысанына байланысты үй-жайлардың, пәтерлердің меншік иелері кооперативінің басқарма төрағасына), олар он бес жұмыс күні ішінде телекоммуникациялық жабдықты орналастыру және кейіннен өтеусіз негізде шарт жасасу шарттарымен жауап жібереді", - делінген құжатта.

Заң жобасын жасаушылар мұны елдегі Интернет пен ұялы байланысты жақсарту үшін қажетті қадам деп санайды.

Сіз заң жобасымен танысып, 5 маусымға дейін түсініктеме қалдыра аласыз.