Қазақстанда балаларға арналған "қонақ отбасы" жобасы кеңеюде

Биылғы жылы 3,2 млн бала жазғы демалысын 10 мыңнан астам балалар сауықтыру орталықтарында өткізеді, оның ішінде 15 мыңнан астамы – жыл бойы сауықтыру орталықтарында, 186 мыңы – қала сыртындағы орталықтарда, 2,8 млн – ы мектеп жанындағы балаларда, 160 мың бала шатырлы және киіз үй лагерьлерінде демалады. 

"Қазақстан халқына" қорының қолдауымен "Жаздық жолдама" жобасы аясында 10 мың бала тегін демалуға мүмкіндік алады. Халықтың әлеуметтік осал топтарынан және ауылдық жерлердегі көп балалы отбасылардан шыққан балаларға басымдық беріледі.

Министр өңірлерде жазғы демалысты ұйымдастыруда инфрақұрылымдық жағынан да, мазмұндық жағынан да оң өзгерістер байқалатынын атап өтті.

"Мысалы, Түркістан облысында балаларды жазғы сауықтыру және демалыспен қамту үшін 10 лагерьде модульдік ғимараттар салынуда. Шығыс Қазақстан облысында "қонақ отбасы"жобасын іске асыру жалғасуда. Биыл жобаның географиясы кеңеюде, 6 елді мекеннен 140 баланы қамтитын 62 отбасын тарту жоспарлануда. Ақтөбе облысында және басқа өңірлерде жұмысшы мамандықтар жылы аясында оқушылардың кәсіби бағдарлануына ерекше көңіл бөлінеді. Жазғы лагерьге қатысушылар облыс колледждерінің базасында түрлі мамандықтар бойынша практикалық сабақтар мен шеберлік сыныптарынан өтеді", - деді Ги Бейсембаев.

Сонымен қатар, жазғы жұмыспен қамту нысандарымен, туристік, шығармашылық, зияткерлік іс-шаралармен биыл 3,4 млн бала қамтылады.

Министрдің айтуынша, балаларды жазғы сауықтырумен қамтудың жоғары көрсеткіштері Шығыс Қазақстан (99,9%), Абай (99,3%), Павлодар (98,5%), Қостанай (98,5%) және Ақтөбе (98,2%) облыстарында байқалады.

Жазғы демалысты мазмұнды ұйымдастыру мақсатында Министрлік 120 мың педагог-ұйымдастырушыны арнайы даярлаудан өткізді. Қосымша 12 мыңнан астам студенттер мен еріктілер тартылады.