1 маусымнан бастап Қазақстанда президенттік Жастар кадрлық резервіне іріктеу басталады

Іріктеу бірнеше кезеңнен тұрады және 2025 жылдың маусымынан қазанына дейін өткізіледі. Оның қорытындысы бойынша резервке үздік 50 үміткер іріктеледі. Қабылдау күнінен бастап 3 жыл ішінде резервшілер конкурстық іріктеуден өтпей-ақ әртүрлі мемлекеттік лауазымдарға тікелей тағайындалуы мүмкін.

Іріктеуге қатысуға өтінімді сайтта 1-30 маусым аралығында беруге болады pkrezerv.gov.kz.

Сайтта қалай тіркелуге болады?

Ағымдағы жылдың 1-30 маусымы аралығында қатысушы ЖСН мен электрондық поштаны енгізу арқылы сайтта тіркеуден өтуі қажет.

Үміткердің жасын тексергеннен кейін оған сауалнаманы толтыруға және қажетті құжаттарды жеке кабинетке жүктеуге мүмкіндік беріледі.

Іріктеуге қатысу үшін қандай құжаттар қажет?

Жеке кабинетте іріктеуге қатысу үшін көшірмелерін жүктеу қажет:

- жоғары білім туралы диплом

- еңбек қызметін растайтын құжат (ҚР Еңбек кодексінің 35-бабына сәйкес);

- Qazaq RESMI TEST жарамды сертификаты немесе В1 деңгейінен төмен емес мемлекеттік тілді меңгеру деңгейін растайтын ҚАЗТЕСТ.

Сондай ақ тіркеу кезінде қатысушылар алты салалық бағыттың бірін таңдауы қажет:

- инфрақұрылымды, өнеркәсіпті дамыту және сауда саясаты;

- агроөнеркәсіптік кешен және қоршаған ортаны қорғау;

- сыртқы саясат және инвестициялар;

- экономикалық және қаржылық саясат;

- цифрландыру;

- әлеуметтік саясат және азаматтық қоғам.

Мемлекеттік тілді меңгергені туралы сертификатты қалай алуға болады?

Өтінім беру сәтінде мемлекеттік тілді меңгергені туралы қолданыстағы сертификат болмаған жағдайда кандидатқа мемлекеттік тілді меңгеру деңгейін бағалау жүйесі бойынша – ҚАЗТЕСТ бойынша Қазақстан Республикасы Ғылым және жоғары білім министрлігінің "Ұлттық тестілеу орталығы" ШЖҚ РМК-да немесе qazaq resmi TEST мемлекеттік тілді тестілеудің онлайн-сервисінде бір рет тегін тестілеуден өту мүмкіндігі беріледі "www.qrt.kz" Қазақстан Республикасы Президентінің жанындағы Мемлекеттік басқару академиясының базасында алынған промокод арқылы.

Qazaq RESMI TEST немесе ҚАЗТЕСТТЕ тестілеуден өту үшін ұсынылған промокодты кандидат жеке өзі пайдалануы тиіс.

Кері байланыс

Тіркеу кезінде сұрақтар туындаған жағдайда үміткерлер сайттағы jivo чат арқылы қолдау қызметіне жүгіне алады https://pkrezerv.gov.kz немесе +7-700-096-70-74 нөмірі бойынша, сондай-ақ электрондық поштаға хабарламалар жазу арқылы info@pkrezrv.gov.kz.