Қарағанды облысында 25 мыңнан астам түлек мектепте оқуын аяқтайды

Бұл туралы, сондай-ақ өңірде оқу жылы қалай аяқталатыны және соңғы қоңырау қашан өтетіні туралы білім басқармасының басшысы Гүлбақыт Жүнісова айтып берді. Ол 9-сынып оқушыларына арналған қорытынды мемлекеттік емтихандарды 29 мамыр мен 10 маусым аралығында өткізу жоспарланғанын айтты. Ал 11 сынып түлектері 30 мамырдан 16 маусымға дейін мемлекеттік бітіру емтихандарын тапсырады.

Облыс мектептерінің түлектеріне білім туралы аттестаттарды тапсыру 18-20 маусым аралығында өтеді.

Соңғы қоңыраулар мен бітіру кештеріне келетін болсақ, Ел мектептеріндегі соңғы оқу күні 23 мамырға белгіленді, деп нақтылады Гүлбақыт Жүнісова.

"Оқу жылының ресми аяқталу күні жексенбі, 25 мамырға келеді. ҚР Білім Министрлігінің 05.05.2025 ж. № 3851 хаты негізінде республика мектептеріндегі оқу жылы 23 мамырда аяқталады. Бұл күні "Білім – Отаным"тақырыбында бірыңғай сынып сағаты өтеді. 11 — сынып түлектері үшін салтанатты іс-шаралар 23 немесе 24 мамырда өтеді, салтанатты іс-шараның форматы мен нақты күнін әрбір мектеп мекеменің ерекшелігі мен ата-аналар жұртшылығының тілектерін ескере отырып, педагогикалық кеңестің шешімі негізінде дербес айқындауға құқылы", - деп атап өтті Гүлбақыт Жүнісова.

Спикер былай деп қосты: қазір оқушылар мен ата-аналар жұртшылығы арасында соңғы қоңырауды өткізу және қауіпсіздік талаптарын сақтау туралы ақпараттық-түсіндіру жұмыстары жүргізілуде.

"Сонымен қатар, түлектердің барлық мектептері мен ата-аналарына салтанатты іс-шараны ұйымдастырудың, оның ішінде мейрамханаларда бітіру кештерін өткізудің, елді мекеннен тыс жерлерге шығудың, экскурсиялардың, сондай-ақ аниматорлар мен мерекелік агенттіктерді тартудың өзге де нысандарына жол бермеу туралы ескертілді. Бұл шектеулер оқушылардың қауіпсіздігі және заңнама талаптарын сақтау мақсатында түсіндірілді", - деп бөлісті Гүлбақыт Жүнісова.

Автордың суреті