Қазақстанда өнеркәсіптік қарасора өндірісін қайда және қалай бақылайтын болады

АШМ басшысы Айдарбек Сапаров ІІМ техникалық қарасора өндірісіне төрт лицензия алғанын атап өтті. Бір компания өндіріске қызығушылық танытты.

"Бізде тыңайған жерлер жеткілікті. Қазір Солтүстік Қазақстан облысында, Уәлиханов ауданында олар жай ғана егілмейді. Сол жерлерде біз техникалық қарасора өсіргіміз келеді. Компания қызығушылық танытты, қазір олар бұл мәселені пысықтауда. Биылғы жылы олар үлгере ме, жоқ па, бұл әлі де үлкен мәселе", – деді министр.

Ауыл шаруашылығы вице-министрі Азат Сұлтанов техникалық қарасорада THC (тетрагидроканнабинол) психоактивті заттың мөлшері өте төмен немесе мүлдем жоқ екенін түсіндірді. Өндіріс барысында сот сараптамасына зертханалық зерттеулер жүргізілетін болады. Тиісінше, өсірілген өнім Мемлекеттік органдардың реттеуінде болады.

"Қайта өңдеуге түскен кезде сот сараптамасы қызметі тарапынан да зертханалық зерттеулер жүргізілетін болады. Құрамында бір грамм есірткі бар қарасора өндіріске енбейді және өсіру барысында ішкі істер органдары тарапынан бақылау жүргізіледі-хаотикалық тәртіпте сынама алынады. Анықталған жағдайда жойылады. Тиісінше, өндірісті төрт мәрте бақылау мемлекет тарапынан болады", - деді Азат Сұлтанов.

Сонымен қатар, егістік аумағы қоршалған және арнайы күзет режимінде болады. Техникалық қарасора әдеттегіден жоғары, жіңішке сабақтары мен тар жапырақтары бар. Ол өнеркәсіпте қағаз және басқа да жоғары қорғалған құжаттарды өндіру үшін қолданылады.