Қазақстандық балаларды асырап алуға беру ережелері өзгерді

Түзетулерге сәйкес, тууы отбасылық кодексте белгіленген тәртіппен тіркелген кәмелетке толмаған балаларға қатысты және баланың толыққанды физикалық, психикалық, рухани және адамгершілік дамуын, тәрбиесі мен білімін қамтамасыз ету мүмкіндіктері ескеріле отырып, бала асырап алуға жол беріледі.

Бұл ретте баланың жасы, жетілу дәрежесі және бала асырап алуға келісімі ескеріледі, сондай-ақ оның ұлты, белгілі бір дін мен мәдениетке жататындығы, Ана тілі, тәрбие мен оқытуда сабақтастықты қамтамасыз ету мүмкіндігі ескерілуі мүмкін.

Жетім балаларды, ата-анасының қамқорлығынсыз қалған балаларды тәрбиелеуге олардың туыстары басым құқыққа ие. Олар баланың орналасқан жері бойынша немесе республикалық деректер банкі арқылы органға береді.

Сондай-ақ ата-аналары ата-ана құқықтарынан айырылған жағдайда баланы асырап алуға ата-аналарын ата-ана құқықтарынан айыру туралы сот шешімі заңды күшіне енген күннен бастап алты ай өткен соң жол беріледі.

Бұл ретте ата-анасының біреуі ата-ана құқығынан айырылған баланы асырап алуға басқа ата-анасының келісімімен жол беріледі.

Сонымен қатар, жаңартылған ережелерде баланы кім асырап ала алмайтыны көрсетілген. Мысалы, бір-бірімен некеде тұрмаған (ерлі-зайыпты болмаған) адамдар бір баланы бірлесіп асырап ала алмайды.

Бір адам бауырлас немесе туыс емес бірнеше баланы асырап ала алады.

Басқа түзетулермен мына жерден танысуға болады.