Шегірткеге қарсы химиялық өңдеуге көбірек техника тартылатын болады-ҚР Ауыл шаруашылығы министрлігі

"Ағымдағы жылы табын шегірткелерінің 2,1 миллион гектар аумаққа таралуы болжануда, бұл өткен жылмен салыстырғанда 1 миллион гектарға аз, онымен күресу үшін республикалық бюджеттен 7,1 миллиард теңге бөлінді. Зерттеу іс-шараларын жүргізуге шамамен 4 625 адам тартылатын болады. Бұл өткен жылмен салыстырғанда мониторингтік іс – шараларға зерттеушілердің санын 2 есеге арттыруға мүмкіндік береді",-деді вице-министр.

Оның айтуынша, табын шегірткелерімен күресу үшін 443 бірлік арнайы бүрку техникасы, 100 аэрозольді газ генераторы, 31 аса жеңіл авиация кемесі, 24 ұшақ, 49 ҰҰА пайдаланылатын болады.

Барлық облыстардағы жергілікті жерлерде жұмысты үйлестіру үшін облыс әкімдерінің орынбасарлары басқаратын облыс әкімдіктерімен жедел штабтар құрылды.

Спикер аса қауіпті зиянкестермен күресті жетілдіру шеңберінде мынадай кешенді іс-шаралар қабылданатынын айтты. Бүрку техникасын өндіру нормасы бойынша НҚА-ға өзгерістер енгізілді. Бұл шара химиялық өңдеулерді жүргізуге көп техниканы тартуға мүмкіндік береді. Ауыл шаруашылығы тауарын өндірушілер үшін агродрондар мен бүрку техникасын сатып алудың қолжетімділігін арттыру бойынша шаралар қабылдануда. Инвестициялық субсидиялау қағидаларына өзгерістер енгізілді, оның шеңберінде АӨК субъектілері сатып алынған агродрондар мен жер үсті бүріккіштері құнының 25 % өтем алуға мүмкіндігі бар. Бұдан басқа, Үкімет резерві есебінен 53 дрон сатып алынды, оның 7-і мониторинг үшін және 46-сы өңдеу үшін, сондай-ақ инспекторлар үшін 68 автомашина.

Шегіртке зиянкестеріне қарсы мониторинг пен өңдеудің бизнес-процестерін автоматтандыру және бақылау мақсатында "Гарыш Сапары" ҰК АҚ-мен бірлесіп FitoSpace бірыңғай автоматтандырылған ақпараттық жүйесін енгізу бойынша жұмыс жүргізілуде. Сондай-ақ, зерттеушілердің жұмысын оңтайландыру үшін дрондар мен жасанды интеллект технологияларын пайдалана отырып, шегіртке зиянкестерінің таралу алаңдарын зерттеу бойынша геоақпараттық жүйе әзірленуде.

Шегірткелер мен басқа зиянкестерге қарсы қорғаныс шараларын жүргізу кезінде көршілес Өзбекстанмен, Ресеймен, Қытаймен және Қырғызстанмен ынтымақтастық жүзеге асырылады.