Таза Қазақстан: 580 мың гектардан астам жер тазартылып, 1,7 млн ағаш отырғызылды

Өткізілген акциялардың ішінде: "таза қала", "Таза аймақ", "Таза жағалау", "қалаға арналған ағаш", "Мөлдір бұлақ", Халықаралық құстар күні, "Жер Сағаты" және т.б. акциялар бар.

Негізгі нәтижелер:

- 121 мың тоннадан астам қалдық жиналды;
- 584 мың гектарға жуық аумақ тазартылды;
- 1,7 миллионнан астам ағаш көшеттері отырғызылды;
- 1,4 миллионға жуық адам қатысты, оның ішінде 82 мың ерікті.

Эко-сағат шеңберінде жоғары оқу орындары мен мектептерде экология департаменттерінің зертханасында дәрістер мен экскурсиялар өтті, онда 5 000-нан астам студент экологиялық мониторинг құралдарымен танысты.

Су айдындарын тазарту кезінде 342 балық аулау торы жиналды, 21 бұлақ қалпына келтірілді, оқушылар 1 982 құс үйін орнатты.

21-23 сәуір аралығында Астанада Мемлекет басшысының қатысуымен "Таза Қазақстан" экофестивалі өтті. Көрмеге 1500-ден астам адам, оның ішінде елордалық жоғары оқу орындары мен колледждердің студенттері қатысты.

"Таза Қазақстан" бастамасы аясында халықпен кері байланыс үшін Telegram-да чат-бот жұмысын жалғастыруда, оның көмегімен әрбір азамат ластанған аумақтың фотосы мен геолокациясын жібере алады. Өтінімдер жедел ден қою үшін автоматты түрде жауапты органдарға жіберіледі.

Жүйеге 18 322 өтінім келіп түсті, оның 16 907 – і орындалды. Чат-боттың ең белсенді пайдаланушылары Алматы мен Астана, сондай-ақ Түркістан облысының тұрғындары болып табылады.