Өнімсіз делдалдардың 85 ы ҚР-ға тауарларды жеткізу тізбегінен шығарылды

Ағымдағы жылдың басынан бастап Министрліктің аумақтық департаменттері 1585 әкімшілік қаулы шығарды, оның 396 — сы жалпы сомасы 24 млн теңгеге айыппұл салу туралы, 1189 — ы ескерту жасау туралы.

Қазақстан Республикасының Әкімшілік құқық бұзушылық туралы Кодексінің 204-4-бабының талаптарын іске асыру шеңберінде (ӘМАТ-қа 15% - дан астам сауда үстемесінің мөлшерін асырғаны үшін) 1419 қаулы шығарылды, оның ішінде 18,2 млн теңге сомасына 239 айыппұл және 1180 ескерту.

Картопты негізгі әлеуметтік маңызы бар тауарлардың бірі ретінде сатуға қатысты рұқсат етілген сауда үстемесін асырғаны үшін 505 қаулы шығарылды, оның 41 — і — 2,6 млн теңгеден астам сомаға айыппұл салумен және 464-і ескерту түрінде.

Бұдан басқа, делдалдық схемаларды тергеу жөніндегі өңірлік комиссиялардың қызметі шеңберінде ЖҚТБ жеткізу тізбектерінде жыл басынан бері 303 отырыс өткізілді, оның қорытындысы бойынша өнімсіз делдалдардың қатысуының 1164 жағдайы және сауда үстемелерінің асып кету фактілері анықталды.

Осы жұмыстың нәтижесінде 1079 әкімшілік қаулы шығарылды, ал 85 өнімсіз делдал жеткізу тізбегінен шығарылды.