Тәжікстан электр энергиясын Қазақстанмен бөліседі

 "Қоса беріліп отырған Қазақстан Республикасының Үкіметі мен Тәжікстан Республикасының Үкіметі арасындағы электр энергетикасы саласындағы ынтымақтастық туралы келісімнің жобасы мақұлдансын", – делінген ҚР Үкіметінің Қаулысында.

Келісім шеңберінде жоспарлы электр энергиясын сатып алу-сату операторлары:

- Қазақстан Республикасынан (сатып алушы) – "жаңартылатын энергия көздерін қолдау жөніндегі есеп айырысу-қаржы орталығы" ЖШС (ЖЭК бойынша РФО), ҚР Энергетика министрлігінің ведомстволық бағынысты ұйымы;

- Тәжікстан Республикасынан (сатушы) - "Рогунская ГЭС"ААҚ.

Құжатта атап өтілгендей, Келісім 10 жылға ұзарту мүмкіндігімен 20 жыл мерзімге жасалады.

Тараптар арасындағы келісім бірқатар шарттарды қамтиды. Олардың ішінде: энергияны жеткізу Қазақстанның бірыңғай электр энергетикалық жүйесінің солтүстік-оңтүстік аймағында жоспарлы тапшылық сағаттарында, мемлекетаралық ЭБЖ арқылы, іргелес елдердегі транзиттің техникалық мүмкіндігін ескере отырып жүзеге асырылады. Сондай-ақ, біркелкі емес кестемен жеткізу қуатты реттеу болып саналмайды.

Қаулыда "Рогунская ГЭС" ААҚ жоспарлы электр энергиясының құны 1 кВтсағ үшін 0,034 доллар есебінен (нөлдік 0% ставка бойынша төленетін ҚҚС есебімен) электр энергиясын жеткізудің бекітілген тәуліктік кестелеріне сәйкес көлем сомасына да айтылды.

Әрбір сатып алынған энергия бірлігі үшін сатып алушы Рогунск ГЭС пайдалануға берілгеннен кейін көміртегі несиелерінің тиісті мөлшерін алады, делінген қаулыда.

Рогун су электр станциясының құрылысы 1976 жылы басталды, бірақ Одақ ыдырағаннан кейін құрылыс тоқтатылды. 2000 жылдардың басында жоба қайта оралды, құрылыс әлі де жүргізілуде. 2018 жылы ГЭС-тің бірінші агрегаты пайдалануға берілді.

Бүгінгі таңда Қазақстан Ресейден электр энергиясын жеткізудің энергия тапшылығын жабуда.