Қазақстанда Мемлекеттік қызметке іріктеу ережелері өзгереді

Түзетулер қолданыстағы екі бұйрыққа қатысты:

1. "Мемлекеттік әкімшілік лауазымға орналасудың кейбір мәселелері туралы"2017 жылғы 21 ақпандағы №40 Бұйрық.

Интеграцияланған ақпараттық жүйеде "Б" корпусының мемлекеттік әкімшілік лауазымына орналасуға конкурсты іріктеу мен өткізудің уақытша қағидаларына мынадай өзгерістер енгізілді:

- 5-тармақ жаңа редакцияда жазылды. Оған сәйкес жүйе халықтың денсаулығын қорғауға және құқықтық статистиканы қалыптастыруға жауапты мемлекеттік органдардың ақпараттық жүйелерінен кандидаттар туралы ақпарат сұрайтын болады;

- Мемлекеттік қызмет туралы Заңның 16-бабының 3, 3-1 және 4-тармақтарының талаптарына сәйкес келмеген жағдайда кандидат конкурстың кез келген кезеңінде шығарылуы мүмкін.

2. "Мемлекеттік қызметке іріктеудің кейбір мәселелері туралы"2024 жылғы 15 қаңтардағы №13 бұйрық.

Өзгерістер "Б" корпусының мемлекеттік әкімшілік лауазымдарының конкурссыз орналасуын келісу ережелеріне қатысты болды:

- 11-тармақ жаңа редакцияда жазылды және келісуден бас тарту үшін негіздердің тізбесін қамтиды. Олардың ішінде:

- біліктілік талаптарына сәйкес келмеуі;

- аудио немесе бейнематериалдармен расталған негізделген сын мен теріс жарияланымдардың болуы;

- соңғы тоқсандағы қанағаттанарлықсыз баға;

- қоғамдық тәртіп пен адамгершілікке қол сұғатын әкімшілік құқық бұзушылықтар;

- тексеру нәтижелері бойынша қозғалған істің болуы;

- тәртіптік жазаның немесе тоқтатылмаған тәртіптік істің болуы;

- Заңның 16-бабының 3 және 3-1-тармақтарына сәйкес Мемлекеттік қызметке кіру шарттарына сәйкес келмеуі.