Қазақстандықтардың балалары алдындағы қарыздары 17 млрд теңгені құрады

Оның айтуынша, қазақстандықтар сот орындаушыларының әрекетсіздігіне, борышкерлермен және өндіріп алушылармен өзара іс-қимылдың болмауына, құқықтардың бұзылуына, тиесілі қаражаттың уақтылы аударылмауына жиі шағымданады.

"Өткен жылы шағымдар саны 2 есеге артып, соңғы 2 жылда 89 мыңнан асты, сотқа берілген шағымдар саны 17 мыңды құрады, бұл ретте алимент бойынша проблемалық істер саны 12 мыңнан асты, ал балалар алдындағы берешек шамамен 17 млрд теңгені құрады", - деді Еспаева.

Оның айтуынша, төлемеудің негізгі себептері борышкерлерде тұрақты жұмыс орны мен табыстың болмауы, сондай-ақ кірістерді жасыру болып табылады.

"Жеке сот орындаушыларының кадрлық құрамының сапасы ешқандай сынға төтеп бере алмайды. Бүгінде республика бойынша 2 110 жеке сот орындаушысы жұмыс істейді, олардың өндірісінде жалпы сомасы 15,9 трлн теңгеге 5 млн-ға жуық атқарушылық құжат бар. Аталған құжаттардың 50% - ы микрокредиттер бойынша өндіріп алуға жатады, бұл халықтың шамадан тыс кредиттелуінің тағы бір дәлелі", - деп есептейді мәжілісвумен.

Ол өткен жылы Қазақстанда оңайлатылған өндіріс институты енгізілгенін еске салды. Енді 20 АЕК-ке дейінгі әкімшілік айыппұлдар мен салық берешектерін Робот жүзеге асырады, ал сот орындаушысы бұл процеске мүлдем қатыспайды. Нәтижесінде 8 айда азаматтарға 900 млн теңге үнемделді. Болашақта бұл шекті 40 АЕК-ке дейін кеңейту жоспарлануда.