Қазақстанда қарыз алушыларға қойылатын талаптар күшейтіледі

Қаулы жобасында айтылғандай, мынадай түзетулер көзделген:

- несие қабілеттілігін бағалау кезінде тәуекел деңгейі жоғары қарыз алушы ретінде жеке тұлғаны жіктеу критерийлерін белгілеу;

- жеке тұлғалардың берешегін реттеу бойынша кредиттік шешімдер қабылдаудың ішкі тәртібінің болуына қойылатын талаптарды белгілеу;

- жеке тұлғалардың клиенттерінің құқықтары мен мүдделерін қорғау жөніндегі бөлімше құру.

Банк жеке тұлғаны екі немесе одан да көп факторлар болған кезде тәуекел деңгейі жоғары қарыз алушы ретінде жіктейді:

- несие тарихының мерзімі 3 (үш) жылдан аз;

- банктік қарыздарды және (немесе) микрокредиттерді өтеу жөніндегі міндеттемені орындауды кешіктіру соңғы 12 айда қатарынан күнтізбелік 30 күн ішінде 3 АЕК-тен астам құрайды;

- 3 және одан да көп қаржы ұйымдарында өтелмеген банктік қарыздар мен микрокредиттер;

- банктік қарыздарды және(немесе) микрокредиттерді өтеу жөніндегі міндеттемелерді орындаудың ай сайынғы жиынтық сомасы банк есептеген жеке тұлғаның ай сайынғы тұрақты табысының 45% - нан асады;

- кредиттік тарих субъектісі туралы теріс ақпараттың болуы;

- тұрақты табыс көзін бағалаудың ішкі әдістемесіне сәйкес тұрақты табыс көзі расталмаған.

Сондай-ақ, банктің банктер туралы Заңның 36-бабының 1-2-тармағында көзделген қарыз алушының өтініші бойынша шешім қабылдауы кезінде ашықтықты қамтамасыз ету мақсатында қайта құрылымдау жөніндегі саясаттың болуына қойылатын талаптар белгіленеді.

Бұдан басқа, тұтынушылардың мүдделерін сақтау мақсатында банктің бизнес-моделіне тұтынушылардың мүддесі үшін бақылау функцияларын орындайтын бөлімшенің болуы бойынша талап енгізіледі.

Құжат 12 мамырға дейін қоғамдық талқылауда.