Мектептерде сырттай оқыту: өзгерістер енгізілді

Атап айтқанда, экстерндерді аттестаттау білім алушылардың үлгеріміне ағымдағы бақылауды, аралық және қорытынды аттестаттауды жүргізудің үлгілік қағидаларына сәйкес жүргізілетіні нақтыланады.

Шетелде тұратын білім алушы экстернат нысанында білім алған кезде тиісті білім беру деңгейінің оқу бағдарламаларын өз бетінше меңгереді, үлгерімнің ағымдағы бақылауы (бөлім/өтпелі тақырып бойынша жиынтық бағалау, тоқсан үшін жиынтық бағалау) ол бекітілген Орта білім беру ұйымында қашықтықтан өтеді.

Қорытынды аттестаттаудан өткен экстерндерге білім деңгейі (сатысы) туралы мемлекеттік үлгідегі құжат беріледі.

Өтініш беруші құжаттардың толық топтамасын ұсынған кезде көрсетілетін қызметті беруші 6 жұмыс күні ішінде тиісті білім беру ұйымына сұрау салуды жолдайды және өтініш берушіге қатысты мәліметтерді алады.

Тиісті білім беру ұйымынан мәліметтер алғаннан кейін екі жұмыс күні ішінде көрсетілетін қызметті беруші ұсынылған құжаттардың мазмұнын қарайды. Қағидалардың талаптарына сәйкес болған кезде экстернаттық оқытуға рұқсат беру туралы бұйрық шығарылады.

Мемлекеттік қызмет көрсетуден бас тарту үшін негіздер анықталған кезде көрсетілетін қызметті беруші Мемлекеттік қызмет көрсету мерзімі аяқталғанға дейін үш жұмыс күнінен кешіктірмей өтініш берушіге мемлекеттік қызмет көрсетуден бас тарту туралы алдын ала шешім туралы хабарламаны, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігі үшін тыңдауды өткізу уақыты мен орнын жібереді.

Тыңдау рәсімі ҚР АӨК 73-бабына сәйкес жүргізіледі.

Бұйрық 2025 жылғы 2 мамырдан бастап қолданысқа енгізіледі.