Қазақстанда такси қызметін бақылау қалай қатаңдатылуда

Фото: Хза

21 Сәуір, 202515:34

«Казинформ»

Жолаушылар тасымалы саласында тәртіп орнату үшін Үкіметтің қабылдаған шаралары туралы депутаттық сауалға ресми жауаптан белгілі болды, деп хабарлайды kazinform агенттігінің тілшісі.

Сенаторлардың өтінішінде такси компанияларының қызметі байыпты реттеуді қажет ететіндігі атап өтілген. Олардың айтуынша, такси жүргізушілері көбінесе демалыссыз жұмыс істейді, рейс алдындағы медициналық тексеруден өтпейді және автомобильдердің техникалық жағдайын тексермейді. Мұның бәрі қайғылы салдарға әкеледі.

Мәселен, 2024 жылы таксидің қатысуымен 113 жол-көлік оқиғасы орын алды. Нәтижесінде 42 адам қаза тауып, тағы 201 адам жарақат алды. Қайғылы оқиғалардың бірі 15 қарашада Қарағанды-Балқаш тас жолында болды: оң рульдік көліктің жүргізушісі басқаруды жеңе алмады, көлік аударылды. Бұл жерде жеті адам, оның ішінде екі бала қайтыс болды.

Депутаттар сұрау салуда атап өткендей, өкілеттіктерінің болуына қарамастан, мемлекеттік органдар бес жыл ішінде такси тасымалдаушыларына профилактикалық бақылау жүргізбеді, ал соңғы екі жылда олардың біліктілік және рұқсат беру талаптарына сәйкестігін тексерген жоқ.

Үкімет жергілікті атқарушы органдар такси тасымалдаушыларының қызметінің басталғаны туралы хабарлама берген дара кәсіпкерлер мен ЖШС тізілімдерін жүргізетінін хабарлады.

Қазір Рұқсаттар мен хабарламалардың мемлекеттік электрондық тізілімінің функционалы пысықталуда. Ол тасымалдаушылар туралы ғана емес, сонымен қатар такси үшін пайдаланылатын автомобильдер туралы — маркасы, моделі және тіркеу нөмірі көрсетілген мәліметтерді жазады.

Сонымен қатар, Көлік министрлігі көлік саласын реформалау бойынша заң жобасын әзірлеуде. Онда такси агрегаторлары үшін рұқсат беру тәртібін енгізу жоспарлануда. Бұл осындай қызметтердің жұмыс істеуі үшін біліктілік талаптарын белгілеуге мүмкіндік береді. Қазір реттеуші саясаттың консультативтік құжаты Әділет министрлігінде келісілуде.

2024 жылы көліктік бақылау инспекциялары басқа мемлекеттік органдармен бірлесіп заңсыз тасымалдарды анықтау бойынша 251 рейд жүргізді. 3 701 көлік құралын тексерді, 1 780 әкімшілік материалды құрады.

2025 жылдың 1 қаңтарынан бастап не өзгерді

Жыл басынан бері "автомобиль көлігі туралы" Заңның жаңа талаптары күшіне енді. Өзгерістерге сәйкес, интернет-платформаларды пайдаланатын жеке тасымалдаушылар қызметтің басталғаны туралы хабарламаны жергілікті атқарушы органға жіберуге міндетті. Бұл деректер Рұқсаттар мен хабарламалардың мемлекеттік электрондық тізіліміне енгізіледі.

Сонымен қатар жүргізушілерге келесі міндеттемелер жүктелді: