Байланыс саласындағы мемлекеттік монополия қызметтерінің бағасы бекітілді

Атап айтқанда, байланыс саласындағы мемлекеттік монополия субъектісі іске асыратын қызметтердің бағалары:

1. Халықтың теле -, радиоарналарды қабылдау сапасын қоса алғанда, байланыс қызметтері сапасының параметрлерін өлшеу жөніндегі жұмыстарды орындау, сондай-ақ радиожиілік спектрінің, радиоэлектрондық құралдардың және (немесе) жоғары жиілікті құрылғылардың мониторингі.

2. Радиожиілік ресурстарын және орбиталық позицияларды халықаралық үйлестіру жөніндегі іс-шараларды техникалық сүйемелдеу.

3. Радиоэлектрондық құралдардың электромагниттік үйлесімділігін есептеу.

4. Ұялы байланыстың абоненттік құрылғыларының сәйкестендіру кодтарының дерекқорын және абоненттік нөмірлердің орталықтандырылған дерекқорын қалыптастыруды, жұмыс істеуді, сүйемелдеуді және дамытуды қамтамасыз ету, оларға қол жеткізуді қамтамасыз ету.

5. ҚР елді мекендерінде байланыс желілерінің болуы және байланыс сапасын бақылау нәтижелері туралы ақпаратты қамтитын радиоэлектрондық құралдар мен радиожиілік иеленулерінің тізілімін (деректер базасын) және интернет-ресурсты жүргізуді техникалық қамтамасыз ету (телекоммуникациялардың цифрлық картасы).

6. Телерадио хабарларын тарату желілерінің жиілік-аумақтық жоспарын келісу, сондай-ақ телерадио хабарларын тарату желілері үшін радиожиіліктерді іріктеу және сүйемелдеу.

Бұйрық 2025 жылғы 29 сәуірден бастап қолданысқа енгізіледі.