Аида Балаева: Орталық Азия елдері бірлескен телеарнаны іске қосуды қарастыруда

"Қазіргі уақытта Орталық Азия елдері өңірдегі ақпараттық ынтымақтастықты нығайтуға бағытталған бірлескен телеарна мен өңірлік медиа платформаны іске қосу мүмкіндігін қарастыруда", - деді министр.

Оның айтуынша, елдер арасындағы медиа саласындағы ынтымақтастық жоспарлы түрде жаңа деңгейге көтерілуде. Қазақстанның мәдениет және ақпарат министрлігі, Өзбекстанның Ақпарат және бұқаралық коммуникация агенттігі арасында 2025 жылға дейін өзара іс-қимыл жоспарына қол қойылды.

Оған медиа-контент алмасу, журналистерге арналған тренингтер мен семинарлар өткізу, баспасөз хатшыларының біліктілігін арттыру, жас мамандарды қолдау және жалған ақпаратпен бірлесіп күресу кіреді.

Сондай-ақ, тараптар екі елден келген журналистерге тәжірибе алмасу және кәсіби байланыстарды дамыту үшін баспасөз турларын ұйымдастыруға шешім қабылдады.

"Орталық Азияның барлық елдерін осы процестің бір бөлігі болуға шақырамыз", - деді министр.

Бұған дейін форум алаңында Орталық Азия елдері – Қазақстан, Өзбекстан, Қырғызстан, Тәжікстан, Түрікменстан, сондай-ақ Әзірбайжан, Ұлыбритания, Қытай, Катар, Ресей және басқа елдердің Медиасфера жетекшілері мен жетекші сарапшылары жиналғаны хабарланған болатын.

Екі күн ішінде медиафорумға қатысушылар панельдік сессияларда саланы дамытудың өзекті мәселелерін талқылайды.