Қазақстанда қандай дәрі-дәрмектер рецептсіз жіберілмейді

Қазақстанда дәрі — дәрмектерді тек дәрігердің рецепті бойынша сату Денсаулық сақтау министрлігінің жаңа талабы емес. Бұл жүйе 20 жылдан астам уақыт бойы қолданылып келеді.

Рецептсіз сатылмайтын дәрі-дәрмектерге мыналар жатады:

• құрамында есірткі, психотроптық заттар мен прекурсорлар бар дәрілік заттар;
• парентеральді енгізуге арналған дәрілік заттар;
• дәрілік заттар, оның ішінде стационар жағдайында ғана қолданылатын диагностикалық дәрілік заттар;
• дәрігердің тұрақты бақылауымен тағайындау және одан әрі қолдану қажет дәрілік заттар;
• диагнозы стационар жағдайында немесе қажетті диагностикалық жабдығы бар мекемелерде белгіленетін ауруларды емдеуге арналған дәрілік препараттар, ал дәрілік препаратты қолдану және кейіннен бақылау амбулаториялық жағдайларда жүзеге асырылады;
• белсенділігі және (немесе) жағымсыз реакциялары одан әрі зерделеуді талап ететін дәрілік субстанциясы бар дәрілік заттар;
• жаңа белсенді ингредиенті бар алғаш рет тіркелген дәрілік препараттар;
• қолдану тәжірибесі шектеулі дәрілік препараттар (дәрілік препаратты басқа елдерде қолданудың, оның ішінде жалпы популяцияда қолданудың тіркеуден кейінгі тәжірибесін ескере отырып (клиникалық зерттеулер болған кезде);
• жаңа дозасы бар дәрілік препараттар, жаңа дозалау режимі, енгізудің жаңа тәсілі, қолданудың жаңа көрсеткіштері, жаңа жас топтары бар.

Сондай-ақ, Министрлік әкімшілік құқық бұзушылық туралы кодекстің 426-бабының 1-бөлігіне сәйкес тек рецепт бойынша сатылатын дәрілік заттарды рецептсіз босату үшін әкімшілік жауапкершілік қарастырылғанын атап өтті.

Сонымен қатар, ведомство өкілдері жарамдылық мерзімі өткен дәрі-дәрмектерді қолдануға болмайтынын еске салды.

"Мұндай препараттар ең алдымен емдік қасиеттерін жоғалтады. Яғни, олар сізді емдемейді және ауру дамуы мүмкін, бұл өз кезегінде асқынуларға әкеледі. Препаратқа жағымсыз реакциялар немесе тіпті онымен улану мүмкін. Мұндай жағдайлар денеге зиян келтіруі мүмкін, тіпті өлімге әкелуі мүмкін. Үйдегі алғашқы көмек жинағында сақталған дәрі-дәрмектердің жарамдылық мерзімін үнемі тексеріп отыру керек. Көбінесе мерзімі өткен дәрі-дәрмектер болуы мүмкін. Сақтау жағдайларына ерекше назар аударыңыз. Сақтау шарттары сақталмаған жағдайда кейбір дәрі — дәрмектердің жарамдылық мерзімі қысқаруы мүмкін", - делінген Денсаулық сақтау министрлігінің жауабында.