Қазақстанда сыбайлас жемқорлыққа қарсы жария портал құрылды

"Ол сыбайлас жемқорлыққа қарсы іс-қимыл жөніндегі ақпаратты бір ресурста жүйелеуге арналған. Барлық ниет білдірушілер сыбайлас жемқорлыққа қарсы іс-қимыл жөніндегі қызметпен таныса алады. Сондай-ақ, келушілер онлайн - тестілеу және сертификат алу мүмкіндігімен өздері үшін қызықты оқу курстарын таба алады", - делінген хабарламада.

Әлеуметтанулық зерттеулерге ерекше назар аударылады. Сауалнамадан өту мүмкіндігі қарастырылған. Оның нәтижелері сыбайлас жемқорлыққа қарсы шараларды түзету және олардың тиімділігін бағалау үшін пайдаланылатын болады.

Сондай-ақ мұнда Transparency International халықаралық ұйымының жыл сайынғы зерттеу нәтижелері және Қазақстанның сыбайлас жемқорлықты қабылдау индексіндегі ұстанымы қолжетімді.

"Профилактикалық жұмысты күшейту мақсатында осы ресурста сыбайлас жемқорлық тәуекелдеріне ұшыраған лауазымдар тізбесін және мемлекеттік органдар мен өңірлер бөлінісінде сыбайлас жемқорлық тәуекелдерінің картасын қамтитын "сыбайлас жемқорлық картограммасы" орналастырылған", - деп хабарлайды Антикор.

Порталдың маңызды элементі волонтерлік қызметке арналған бөлім болып табылады, онда жұмыс істеп тұрған волонтерлер мен ұйымдар туралы мәліметтер ұсынылады. Ниет білдірушілер ерікті ретінде кандидатураны қарау үшін сауалнама жібере алады.

Сонымен қатар, порталда сыбайлас жемқорлыққа қарсы мәдениетті қалыптастыруға, парасатты мінез-құлыққа тәрбиелеуге және қоғамда "заң және тәртіп"идеологиясын бекітуге бағытталған бейнероликтер орналастырылған.

Сондай-ақ, осы ресурста сыбайлас жемқорлық фактілері туралы хабарлауға мүмкіндік бар.

"Агенттік барлық ниет білдірушілерді сыбайлас жемқорлыққа қарсы порталға баруға шақырады. Ол тұрақты негізде өзекті ақпаратпен толықтырылатын болады. Сілтеме Агенттіктің ресми сайтында және мемлекеттік органдардың интернет-ресурстарының бірыңғай платформасында қолжетімді", - деп қорытындылады ведомстводан.