Қарағандыда "Алқа"әдеби клубының көшпелі отырысы өтті

Кездесуге Министрлік өкілдері, еліміздің әр өңірінен келген белгілі ақындар мен жазушылар, жергілікті әдебиетшілер, ЖОО оқытушылары мен студенттер қатысты.

Фестивальдің ашылу салтанатында Мәдениет және ақпарат министрі Аида Балаеваның құттықтау хаты оқылды.

Отырыс аясында қазіргі заманғы әдебиеттің өзекті мәселелері, оның ішінде қоғамдық маңызы бар кітаптар шығару, әдеби конкурстар өткізу, балалар әдебиетін қолдау мәселелері талқыланды.

"Алаш" халықаралық әдеби сыйлығының лауреаттары - белгілі жазушылар прозаның, кітап нарығының, әдеби сын мен аудармалардың қазіргі жағдайы туралы пікірлерімен бөлісті.

Отырысқа қатысушылар пікір алмасып, әдебиеттің дамуына өз көзқарастарын білдірді.

Айта кетейік, "Қарағанды көктемі" дәстүрлі фестивалі биыл алғаш рет проза жанрына арналды. Іс-шара аясында үздік әңгімеге конкурс өткізіліп, жеңімпаздар марапатталды.