ІІМ ата-анасына жүгінді: 23 жасөспірім есірткі қылмысы үшін ұсталды

- Құрметті азаматтар! ІІМ есірткі қылмысына қарсы іс-қимыл комитеті кәмелетке толмағандарды есірткі құралдарының заңсыз айналымына тарту фактілерінің жалғасуына байланысты елеулі алаңдаушылық білдіреді.

Тек үш айдың ішінде бүкіл ел бойынша тыйым салынған заттарды сақтауға және таратуға күдікті 23 жасөспірім ұсталды. Олардың ішінде бірінші курс колледждерінің оқушылары, сондай-ақ 9-11 сынып оқушылары бар.

Бұл алаңдатарлық фактілер, ең алдымен, ата-аналар мен заңды өкілдердің алдын алу шаралары мен ерекше назар аудару қажеттілігін растайды.

Естеріңізге сала кетейік, Заңды білмеу қылмыстық жауапкершіліктен босатпайды. Есірткі қылмыстары үшін қылмыстық жауапкершілік 16 жастан басталады. Қазақстан Республикасы Қылмыстық кодексінің 296 және 297 - баптарына сәйкес есірткіні сақтағаны және таратқаны үшін қатаң қылмыстық жаза-бас бостандығынан айыру көзделген.

Бұдан басқа, ҚК-нің 299-1-бабында есірткіні, оның ішінде интернет және әлеуметтік желілер арқылы насихаттау мен жарнамалау үшін қылмыстық жауапкершілік көзделеді.

Құрметті кәмелетке толмағандардың ата-аналары мен заңды өкілдері! Сізді балаларыңыздың әлеуметтік шеңберіне, сондай-ақ олардың бос уақытында не істейтініне ерекше назар аударуға шақырамыз. Тәуекелдерді уақытында анықтау және жасөспірімдердің құқыққа қарсы іс - әрекетке қатысуына жол бермеу маңызды, бұл олардың болашағын айқындауы мүмкін, - деп атап өтті ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.