Қазақстанның үш қаласы құрметті атаққа ие болады

Бұл бастама Алматыда өткен ТМД Сыртқы істер министрлері кеңесінің отырысында келісілді.

Құрметті атақ Ұлы Отан соғысы жылдарында тыл еңбегіне елеулі үлес қосқан Достастықтың бірнеше басқа қалаларына берілді.

Кездесу барысында сыртқы саясат ведомстволарының басшылары халықаралық күн тәртібіндегі өзекті мәселелер бойынша пікір алмасты, Достастық шеңберіндегі өзара іс-қимылдың жай-күйі мен перспективаларын талқылады.

"Бүгінде Достастық ашық пікір алмасу, бірлескен күш-жігерді үйлестіру және елдеріміз арасындағы кешенді байланыстарды үдемелі тереңдету үшін сұранысқа ие алаң болып қала береді. Қазақстан біздің ұйымымызды одан әрі дамытуға мүдделі және оның көп қырлы әлеуетін нығайтуға ниетті", - деді Қазақстан СІМ басшысы Мұрат Нұртілеу.

Сондай-ақ, ол қатысушыларды ТМД шеңберіндегі ынтымақтастықтың түрлі аспектілері бойынша Қазақстанның көзқарастары туралы хабардар етті, ұйымның одан әрі дамуына бағытталған бірқатар ұсыныстар айтты.

"Біздің еліміздің ұсынысы бойынша бірлескен күш – жігердің арқасында бүгінде еріктілер форумы, Достастық жәрмеңкесі, ТМД академиялық астанасы және басқа да көптеген жобалар іске асырылуда немесе жақын арада жоспарлануда", - деді ҚР Сыртқы істер министрі.

Сыртқы істер министрлері кеңесінің келесі отырысы Душанбе қаласында 2025 жылдың қазан айында өтеді.