ІІМ "жасөспірім"профилактикалық іс-шарасын өткізеді

- "Заң және тәртіп" қағидатын іске асыру шеңберінде ағымдағы жылдың 10 сәуірінен 6 мамырына дейін республика аумағында "Жасөспірім"жедел-алдын алу іс-шарасы өткізіледі. Негізгі мақсаты-жасөспірімдер қылмысының алдын алу, балалардың құқықтарын қорғау. Іс-шараға білім беру, денсаулық сақтау органдарын, прокуратура мен жұртшылықты тарта отырып, ІІО-ның жеке құрамы жұмылдырылды.

Негізгі екпін мыналарға бағытталған:

- алкогольдік ішімдіктерді тұтынатын, түнгі ойын-сауық орындарында жүрген және ата-анасының еріп жүруінсіз түнде қозғалатын кәмелетке толмағандарды анықтау;

- балаларға алкоголь және темекі өнімдерін сату фактілерін анықтау;

- девиантты мінез-құлқы бар жасөспірімдерді және өз балаларын тәрбиелеу жөніндегі міндеттерді орындамайтын ата-аналарды анықтау және есепке қою;

- жасөспірімдер арасындағы қылмыстық көріністердің, әсіресе бопсалаудың жолын кесу;

- балалардың өмірі мен денсаулығына қауіп төндіретін интернет-ресурстарды белгілеу және бұғаттау;

- оқушылармен олардың құқықтық мәдениеті мен құқықтық санасын арттыру үшін дәрістер өткізу.

Азаматтардан Балалардың құқықтарын бұзу фактілері туралы полицияға дереу хабарлауды сұраймыз, - деп атап өтті ІІМ Әкімшілік полиция комитеті басқармасының бастығы Әсет Оспанов.