Қазақстанда ішкі саясат тұжырымдамасы әзірленуде

"Президент өз сөзінде ішкі саясат саласындағы қызметтің барлық бағыттарын жүйелейтін бірыңғай тұжырымдамалық құжат дайындау қажеттігін атап өтті. Бұл құжат бойынша жұмыс барлық мүдделі тараптардың қатысуымен жүргізіледі. Тұжырымдамада мемлекеттік идеологиялық саясаттың мақсаттары, міндеттері мен басымдықтары нақты белгіленетін болады. Бұдан басқа, онда біздің болмысымыз бен өмір салтымызды бейнелейтін негізгі ұлттық құндылықтар мен рәміздер көрініс табады", - деді министр Астанада өткен ардагерлер кеңесінің пленумында.

Сөз сөйлеу барысында Аида Балаева ведомстволық наградалар жүйесін реформалау мәселесін де қозғады.

"Бүгінде ведомстволық наградалар жүйесін ретке келтіру, оның ішінде олардың иелерінің міндетті тізілімін құру бойынша кешенді жұмыс жүргізілуде. Қазіргі уақытта елде мұндай марапаттардың 159 түрі ресми түрде бекітілген. Біз оларды берудің бірыңғай тәсілдерін әзірлеу үшін халықаралық тәжірибені зерттеп жатырмыз. Талдау қорытындысы бойынша осы айдың өзінде президенттік комиссияның қарауына қолданыстағы наградалар жүйесін оңтайландыру бойынша ұсыныстар ұсынылатын болады", - деп атап өтті министрлік басшысы.