Фермерлерге өз учаскелерінде экотуризммен айналысуға рұқсат етіледі

Оның айтуынша, қазір тиісті заң жобасы Мәжілісте қаралуда.

"Фермерлерге өз учаскелерінде агротуризммен айналысу құқығын беру жоспарлануда. Қазіргі уақытта елде 200 мыңнан астам шаруа қожалықтары бар. Бұл шара ауыл тұрғындары үшін қосымша жұмыс орындарын құруға және ауылдық аумақтардың әл-ауқатын арттыруға мүмкіндік береді. Сондай-ақ, қонақ үй сервисінің сапасын арттыру үшін қонақүйлерді жіктеу жүйесін реформалау жоспарлануда. Қолданыстағы критерийлер 2008 жылдан бері өзгерген жоқ және қазіргі халықаралық стандарттарға сәйкес келмейді", - деді министр.

Ол сондай-ақ туристік дестинацияларда инфрақұрылым құрылысын қаржыландыруға бағытталған Жеке бюджеттік бағдарлама әзірленетінін айтты.

"Бұл ретте өңірлерде туризмді басым дамыту үшін жаңа құзыреттілікпен қатар туризмнің жекелеген басқармаларын құру мәселесін қарастыру қажет. Қазір тек бес өңірде жеке басқарма бар, тағы екі өңір пысықталуда. Әкімдіктерге елді мекендерден тыс жерлерде, оның ішінде ұлттық парктер аумағында туристік инфрақұрылым салу бойынша заңнамалық өкілеттіктер беру. Бұл негізгі бастамалардың бірі. Бұл мәселе мұқият пысықталды. Мұндай қадам негізгі туристік бағыттардың инфрақұрылымын дамытуды қамтамасыз етеді", - деп есептейді Мырзабосынов.

Ал ұлттық парктерде туристік және рекреациялық қызметті жүзеге асыру үшін ұзақ мерзімді жалдау мерзімін 49 жылға дейін ұлғайту бойынша заңнамалық жұмыс жүргізілуде. Бұл экотуризмді дамыту үшін инвестициялар тартуға және инфрақұрылымды дамытуға мүмкіндік береді, деп атап өтті ол.

Сонымен қатар, оның айтуынша, ұйымдастырылған туристік топтардың қозғалысын жеңілдету үшін шекаралық өткізу пункттерінде "жасыл дәліз"режимі енгізіледі. Қазіргі уақытта бұл механизм Ресей мен Қырғызстан шекарасында пилоттық режимде жұмыс істейді.