Қазақстанда митингілерде журналистердің жұмыс ережесі бекітілді

Сурет: freepik

7 Сәуір, 202517:50

«Казинформ»

Мәдениет және ақпарат министрі 2025 жылғы 1 сәуірдегі бұйрықпен бейбіт жиналыстарға қатысатын журналистің (бұқаралық ақпарат құралдары өкілінің) қызмет қағидаларын, журналистің айрықша белгілерінің нысандарын бекітті, деп хабарлайды kazinform агенттігінің тілшісі.

Бұқаралық ақпарат құралдары үшін бейбіт жиналыстарда хабарламалар мен материалдарды жинау, өңдеу, дайындау бойынша өз қызметін жүзеге асырған кезде журналистің өзімен бірге куәлігі болуы, сондай — ақ нысан бойынша айрықша белгі тағуы тиіс, - делінген құжатта.

Өз қызметін жүзеге асыру кезінде журналист:

хабарламалар мен материалдарды жинауды, өңдеуді, дайындауды жүзеге асырады, ақпаратты сұратады, алады және таратады;
көліктің, инфрақұрылым объектілерінің үздіксіз жұмыс істеуіне, мүліктің сақталуына кедергі келтіретін, сондай-ақ бейбіт жиналыстарға қатыспайтын азаматтардың еркін жүріп-тұруына кедергі келтіретін іс-әрекеттер жасамайды;
Ұйымдастырушының және бейбіт жиналыстарға қатысушылардың, сондай-ақ мемлекеттік органдар, ұйымдар қызметкерлерінің заңды әрекеттеріне кедергі келтірмейді.

Сондай-ақ, құжатта журналистің кәсіби қызметін қамтамасыз ету үшін жергілікті атқарушы орган БАҚ өкілдерін жергілікті атқарушы органға жіберілетін БАҚ-тың сұрау салуы бойынша жедел баспасөз орталығымен қамтамасыз ету жөнінде тиісті шаралар қабылдайтыны айтылған.

Жедел баспасөз орталығы келесі шарттарға сай болуы керек:

таспамен шектеу;
фото-, бейнетүсірілім жасау және сұхбат алу үшін жеткілікті көрінуді қамтамасыз ету;
электрмен жабдықтауды қамтамасыз ету;
ішкі істер органдары қызметкерлерінің өмірі мен денсаулығына қауіп төнген жағдайда оларға жедел ден қою арқылы журналистердің қауіпсіздігін қамтамасыз ету.

Журналист өз қызметін жедел баспасөз орталығының орнында (аумағында) және одан тыс жерлерде бұқаралық ақпарат құралдары үшін бейбіт жиналыстарда хабарламалар мен материалдарды жинау, өңдеу, дайындау бойынша жүзеге асырады.

Жергілікті атқарушы орган журналистерді жедел баспасөз орталығына сүйемелдеу, бейбіт жиналысты ұйымдастырушылар мен қатысушылардан сұхбат, түсініктеме алуға жәрдемдесу, журналистердің қауіпсіздігін қамтамасыз етуге бағытталған шараларды түсіндіру үшін бейбіт жиналысты өткізу кезінде өз өкілінің қатысуын қамтамасыз етеді.

Журналистің айрықша белгілерінің нысандары

Журналистің айрықша белгілерінің формалары-ашық көк түсті көкірекше, жеңдік таңғыш, жапсырма. Көрсетілген айырым белгілерін тағу кезінде олардың айқын көрінуін қамтамасыз ету қажет.

Тақырып бойынша сілтемелер7 СәуірМүгедектігі бар қазақстандықтар 2025 жылы әлеуметтік қызметтер порталы арқылы 211 мыңнан астам қызмет алды

Кеудешенің алдыңғы және артқы жағында көлденеңінен ені кемінде 20 миллиметр болатын екі шағылыстыратын жолақ тігілген.

Көкірекшенің алдыңғы және артқы жағында шағылысатын жолақтардың үстінде "PRESS"деген жазу орналасқан. Жазу латын әріптерімен орындалады, ақ немесе күміс түсті шағылыстыратын матадан Arial шрифтімен жасалады.

"Пресс"деп жазылған ашық сары түсті жең.