Қазақстанда инфляция және ЖІӨ бойынша болжамдар қайта қаралды

Жүргізілген сауалнамаға сәйкес, инфляция және ел экономикасының өсуі бойынша сарапшылардың болжамдары қайта қаралды.

Мұнай бағасы және экономиканың өсуі
Brent маркалы мұнай бағасы бойынша 2025 және 2026 жылдарға арналған болжамдар сәйкесінше барреліне 75 және 72 доллар деңгейінде сақталды.

"2027 жылға арналған бағалар барреліне 72,5 долларға дейін аздап түзетілді", - делінген хабарламада.

Бұл ретте Қазақстан экономикасының 2025 және 2027 жылдарға өсу болжамдары төмендеді.

"2025 жылға арналған болжам 4,9 пайыздан 4,7 пайызға дейін, 2027 жылға 4,5 пайыздан 4,3 пайызға дейін қайта қаралды. 2026 жылға арналған үміттер 4,5 пайыз деңгейінде сақталды", - делінген Ұлттық банктің хабарламасында.

Инфляция және базалық мөлшерлеме
Сарапшылардың бағалауы бойынша Инфляция 2025 жылға 8,7 пайыздан 10,6 пайызға дейін, 2026 жылға 7 пайыздан 9 пайызға дейін, 2027 жылға 5,8 пайыздан 6,1 пайызға дейін өседі.

Инфляция бойынша бағалардың өзгеруіне байланысты сарапшылардың 2025-2027 жылдарға арналған базалық мөлшерлеме деңгейі бойынша күтулері де жоғары деңгейде қалыптасты.

"Енді базалық мөлшерлеменің бағалары бұрынғыдай бір жылдағы орташа емес, жылдың соңына ұсынылды. 2025 жылдың соңындағы болжамдардың орташа мәні 15,9 пайызды, 2026 жылы – 14,3 пайызды, 2027 жылы – 11,5 пайызды құрайды", - делінген ақпаратта.