Қазақстанда балалармен жазатайым оқиғалардың алдын алу науқаны басталды

ҚР Білім министрлігінің Балалардың құқықтарын қорғау комитеті барлық балабақшаларда, мектептер мен колледждерде ата-аналар жиналысының бірыңғай күнін ұйымдастыруды тапсырып, жергілікті атқарушы органдарға ұсынымдар жолдады. Талқылаудың негізгі тақырыбы Су айдындарындағы кәмелетке толмағандардың қауіпсіздігі және терезеден құлаудың алдын алу болады.

Ата-аналарға әдістемелік ұсынымдар таратылады, балалар жарақатының себептері туралы айтылады және оның алдын алу бойынша практикалық шаралар ұсынылады. Бұдан басқа, профилактикалық жұмыс еңбек ұжымдары арасында педагогтарды, әкімдік өкілдерін және балаларды қорғау жөніндегі сарапшыларды тарта отырып жүргізіледі.

ҚР ПМ Балалардың құқықтарын қорғау Комитетінің төрағасы Насымжан Оспанова ата аналар тарапынан жоғары көңіл бөлу қажеттігін атап өтті:

"Көктемгі жылудың басталуымен және көшеде балалардың белсенділігінің артуымен жазатайым оқиғалар қаупі де артады. Балалар-біздің болашағымыз және ең үлкен құндылық. Олардың қауіпсіздігі бізге-ересектерге байланысты. Біз ата-аналарды әсіресе мұқият болуға, балаларға судың жанында және терезелердің жанында жүріс-тұрыс ережелерін түсіндіруге, балаларды қараусыз қалдырмауға шақырамыз".

Науқан сонымен қатар ата-аналарға терезе конструкцияларына қорғаныс механизмдерін орнату қажеттілігі туралы хабарлауға бағытталған "Қауіпсіз терезе" акциясын өткізеді.

2024 жылдан бастап заңнамаға өзгерістер енгізілгенін атап өту маңызды, оған сәйкес барлық құрылыс салушылар жаңа көппәтерлі үйлерге терезе құлыптарын орнатуға міндетті. Бұл талап өткен жылдан бастап пайдалануға берілген барлық объектілерге қолданылады және балалардың терезеден құлау жағдайларын азайтуға бағытталған.