Қазақстан терроризмді қаржыландыруға қарсы шараларды күшейтуде

Құжат жаппай қырып-жою қаруын таратуды қаржыландыруды болдырмау жөніндегі шаралармен толықтыра отырып, ЕАТ өкілеттіктерін кеңейтеді. Сондай-ақ, негізгі анықтамалар нақтыланады, ұйымның жұмысы және оның бюджетін қалыптастыру тәртібі реттеледі.

Қабылданған өзгерістер қаржы ағындарын бақылауды күшейтуге, халықаралық ынтымақтастықтың тиімділігін арттыруға және Қазақстанның ФАТФ стандарттарына сәйкестігін қамтамасыз етуге мүмкіндік береді (Financial Action Task Force – ақшаны жылыстатуға қарсы күрестің қаржылық шараларын әзірлеу тобы).

Жалпы, біздің еліміз осы бағытта жүйелі жұмыс жүргізіп, нақты нәтижелерге қол жеткізіп отырғанын атап өткен жөн. Осылайша, Базель басқару институтының ақшаны жылыстатуға қарсы іс – қимыл индексінде Қазақстан 2024 жылдың қорытындысы бойынша 4,65 балл (10-ең жоғары тәуекел) алып, АҚШ, Жапония, Сингапур, Қытай, Катар, Италия, Венгрия және Түркиядан озып, өз позициясын жақсартты.