Күзет агенттіктері қызметі тоқтатылған жағдайда қаруды сақтауға тапсыруға міндеттенеді

Енді қаруы бар заңды тұлғалар өз қызметін тоқтата тұрған жағдайда 15 жұмыс күні ішінде қаруды және оның патрондарын ішкі істер органдарына сақтауға тапсыруға міндетті болады.

Сондай-ақ, қару иелеріне заңнамада белгіленген тәртіппен бақылау атысын жүргізу үшін азаматтық және қызметтік атыс қаруын (карабин, мылтық және басқалар) беруге міндеттенеді. Уақтылы ұсынылмаған жағдайда мұндай тұлғалардан лицензия қайтарып алынады.

Бұл ретте Қарулы Күштердің, арнаулы мемлекеттік және құқық қорғау органдарының қару-жарағында бар, аталған органдардың басшылары жүзеге асыратын қарудың айналымын мемлекеттік бақылау мемлекеттік оқ-гильзотеканы қалыптастыру жөніндегі жаңа құзыретпен толықтырылады.

Бұдан басқа, жеке күзет ұйымдары өз қызметін тоқтата тұрған, тоқтатқан немесе қайта бастаған, сондай-ақ тіркеу орнынан тыс жерде күзет қызметтерін көрсеткен жағдайларда заңды тұлға бұл туралы уәкілетті органға 5 жұмыс күні ішінде хабарлауға міндетті болады.

Жеке күзет ұйымдарының филиалдары мен өкілдіктерінің басшыларына күзетші лауазымын атқаратын қызметкерлерге қойылатын талаптар енгізіледі.

Күзет қызметтерінің тізбесі жаңа қызметпен толықтырылады - "күзетілетін объектіде өткізу режимін қамтамасыз ету". Бұл үшін тек лицензиясы бар күзет ұйымдары тартылуы керек.