Геннадий Головкин бокстан Әлем Кубогында өнер көрсетті

Сурет: Sports.kz

2 Сәуір, 202518:36

Sports.kz

Бразилияның Фос-ду-Игуасу қаласында Халықаралық World Boxing федерациясының қолдауымен бокстан Әлем Кубогының бірінші кезеңі басталды, деп хабарлайды Sports.kz сілтеме жасай отырып Olympic.kz.

Ашылу салтанатына Қазақстан Ұлттық Олимпиада комитетінің президенті, World Boxing олимпиада комиссиясының төрағасы Геннадий Головкин қатысты.

Тақырып бойынша сілтемелер1 Сәуір"Шырға тарту": 70 қазақ тазы Теміртауда ашық біріншілікте бақ сынасты

Іс-шарада Бразилия бокс федерациясының басшысы Маркос Кандидо де Брито, Панамерикалық бокс конфедерациясының президенті Элиз Сеньол және WB Бас хатшысының міндетін атқарушы Майк Макатти де сөз сөйледі.

Геннадий Головкин Лос-Анджелес-2028 Олимпиада ойындарының бағдарламасында боксты сақтаудың маңыздылығын және спортты одан әрі дамыту қажеттігін атап өтті.

Сондай-ақ, ол Оңтүстік Америкада боксты танымал ету үшін өтіп жатқан Әлем Кубогының маңыздылығын атап өтті. Олимпиада комиссиясының төрағасы жарыс спортшыларды алдағы Олимпиада ойындарына дайындаудың маңызды кезеңі болатынына сенім білдірді.