Қарағандыда облысты дамытудың Кешенді жоспарына өзгерістер енгізілді

Сурет: gov.kz

31 Наурыз, 202516:10 Прокуратура Карагандинской области

Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінің ұсынымдарын орындау шеңберінде Қазақстан Республикасы Үкіметінің 29.06.2023 №508 қаулысымен бекітілген Қазақстан Республикасында нашақорлыққа және есірткі бизнесіне қарсы күрес жөніндегі 2023-2025 жылдарға арналған Кешенді жоспарға (бұдан әрі – кешенді жоспар) талдау жүргізілді. Бұл туралы Қарағанды облысының прокуратурасы жазады.

Кешенді жоспардың 46-тармағына сәйкес облыстарды дамыту жоспарларына нысаналы іс-шаралар енгізілуі тиіс. Алайда олар өңірді дамыту жоспарында ескерілмеді, бұл көзделген іс-шараларды іске асыру мерзімдерінің бұзылуына әкелді.

Тақырып бойынша сілтемелер31 НаурызКонституциялық сот шешімдерінің орындалуы Қазақстанда бақыланатын болады

Осыған байланысты облыс прокуратурасы облыс әкімінің атына қажетті өзгерістер енгізуді талап етіп ұсыныс енгізді. Қарау қорытындысы бойынша шаралар қабылданып, анықталған кемшіліктер жойылды.

Қарағанды облысының әкімдігі облыстың 2021-2025 жылдарға арналған даму жоспарын жаңа форматта өзектендірді. Жаңартылған құжат Қазақстан Республикасының Ұлттық экономика министрлігімен келісілді және Қарағанды облыстық мәслихатының 2024 жылғы 12 желтоқсандағы ХХ сессиясының №237 шешімімен бекітілді.

Енгізілген өзгерістер нашақорлықтың алдын алуға және өңірдегі есірткі бизнесіне қарсы күреске оң әсерін тигізеді.