Қазақстанда мемлекеттік білім беру жинақтау жүйесі жетілдірілді

Атап айтқанда, ережелер жаңа редакцияда көрсетілген.

Сақтандыру төлемі сақтандыру сыйлықақысы (жарналары), есептелген мемлекет сыйлықақысы, бастапқы білім беру капиталы және инвестициялық кіріс негізінде есептеледі.

Мемлекет сыйлықақысы үшін сақтандыру сыйлықақыларын (сақтандыру жарналарын), бастапқы білім беру капиталын, инвестициялық кірісті, өткен кезеңдердегі мемлекеттің есептелген сыйлықақыларын ескере отырып, сақтандыру шарты бойынша қалыптастырылған сақтандыру резервін негізге ала отырып айқындалатын есептік сома қабылданады.

"Келешек" бағдарламасын енгізуге байланысты мемлекеттік білім беру жинақтау жүйесі (МБЖЖ) шеңберінде сақтандыру шарттары бойынша есептік соманы айқындау тәртібі нақтыланады.

Енді жинақ сомасы мемлекеттен біржолғы бастапқы білім беру капиталымен толықтырылды (60 АЕК (2025 жылы 235 920 теңге) – барлығы үшін, 120 АЕК (471 840 теңге) – жетім балалар үшін, ол да инвестицияланатын және оған инвестициялық табыс есептелетін болады.

Бұл білім беру қызметтеріне ақы төлеу үшін жинақтардың жалпы мөлшерін ұлғайтуға және МБЖЖ қатысушылары үшін жағдайларды жақсартуға мүмкіндік береді.

Қаулы 2025 жылғы 8 сәуірден бастап қолданысқа енгізіледі.