Жеке мектептердегі әлеуметтік осал оқушыларға тегін тамақ беруге уәде берілді

"Соңғы үш жылда 4 мыңнан астам мектептің материалдық-техникалық базасы жаңартылды. 2 мыңнан астам білім беру ұйымдарында робототехника, химия, биология, физика және STEM-пәндер бойынша заманауи пәндік кабинеттер жабдықталған. Тек 2024 жылдың қорытындысы бойынша 967 мектепте рекордтық көрсеткіш — 1621 заманауи пәндік кабинет орнатылды. Бұл бағыттағы жұмыс жалғасуда: 2029 жылға қарай кемінде 7000 заманауи пәндік кабинет ашу жоспарлануда", - деп хабарлады ведомстводан.

Ұлттық бастамалар аясында мектеп оқулықтарының 100% цифрландырылды, ал мектептердің 95,2% - интерн интернет сапасы артты.

Білім беру платформалары белсенді енгізілуде, жасанды интеллект элементтері оқу процесіне интеграциялануда. Осы шаралардың барлығы оқушыларды болашақтың сын-тегеуріндеріне дайындауға және олардың жас кезінен бастап цифрлық дағдыларын қалыптастыруға бағытталған.

"Сондай-ақ, тамақтану сапасын арттыру басымдық болып табылады: ас блогы персоналына қойылатын талаптар күшейтілді, алушыларды есепке алуды автоматтандыру енгізілді, күнделікті бақылау күшейтілді. Сонымен қатар, "жалпыға бірдей оқыту" қоры аясында әлеуметтік осал санаттағы 510 мыңнан астам оқушы жыл сайын мектеп құралдарымен қамтамасыз етіледі. 2025 жылдан бастап ХӘОТ санатына жататын жекеменшік мектеп оқушыларына да қолдау шараларын — тегін тамақтандыру және мектеп керек — жарақтарымен қамтамасыз етуді тарату жоспарлануда", — деп толықтырды Білім министрлігі.